Nólsoyingar undrast á ferðaseðlaprísin

Nólsoyingar undrast á, at ferðaseðlaprísurin til Nólsoyar hækkar lutfalsliga nógv, meðan tað verður ókeypis at sigla til aðrar oyggjar.

Teir mæla til, at Strandferðslan og Tórshavnar kommuna finna semju um vørugjaldið, so tað ikki verður fólkið í oynni, sum rindar rokningina.

Annika Olsen, borgarstjóri, sum var gestur í sjónvarpsstovuni, sigur, at avtalan um vørugjaldið varð endurnýggjað, meðan Heðin Mortensen var borgarstjóri.

Nú er hann landsstýrismaður í samferðslumálum.

Annika Olsen sigur, at málið snýr seg ikki um vørugjald, men at landið setur nóg mikið av til raksturin av Strandferðsluni.