18 heiðursmerki vunnin í tveir dagar

Annar dagurin á Oyggjaleikunum hevur roynst væl.

Í svimjing vunnu Føroyar fýra gull, eitt silvur og trý bronsu, umframt at tvey føroysk met og tvey landsliðsmet vórðu sett.

Róland Toftum eigur annað metið, sum hann setti á 100 m bringu við tíðini 1.02.38, meðan Vár E. Eidesgaard setti met á 200 metrum frí við tíðini 2.00.74.

Í judo vunnu Føroyar seks heiðursmerki. Eitt gull, eitt silvur og fýra bronsu. Bárður H. Lenvig vann gull.

Harafturat vunnu Føroyar bronsu í liðkappingini í badminton og á 10.000 metrum, tá Sarah Vallin rann seg til eitt triðja pláss.