Bartal og Rannvá taptu í hálvfinaluni

Bartal Poulsen møtti sera sterkari mótstøðu og tapti greitt fyrsta settið. Seinna settið var javnt eina løtu, men so kláraði Bartal ikki at fylgja við meira og tapti aftur.

Hetta merkir at Bartal fær eitt bronsuheiðursmerki. Hóast heiðursmerki, so er Bartal skuffaður.

Rannvá fekk ikki spælið at koyra

Rannvá D. Carlsson møtti Jessicu Li í hálvfinaluni. Heldur ikki hon megnaði at geva nakra mótstøðu og tapti bæði settini greitt.

Hon hevði ætlað sær eitt finalupláss, og var tí sera vónbrotin um úrslitið.

Seinni í dag byrjar kappingin í blandaðum tvímansleiki. Har eru hava Føroyar trý pør tilmeldaði.