Skulu duga føroyskt fyri at búgva í Føroyum

Mælt verður til nøkur átøk at fara undir skjótast til ber. Fyrstu stigini verða nú tikin til gera integrasjónslóggávu í Føroyum, sigur Uttanríkis- og Vinnumálaráðið.

Lógin skal áseta treytirnar fyri at fáa varandi uppihaldsloyvi í Føroyum. Slíkt loyvi krevur, at eitt skikkað undirvísingartilboð í føroyskum sum fremmandamáli og føroyskum samfelagsviðurskiftum verður ment.

Námsætlan gerast sum skjótast

Mælt verður nú til seta sum krav fyri at fáa varandi uppihaldsloyvi í Føroyum, at tilflytarin hevur lokið prógv í føroyskum máli og samfelagsviðurskiftum.

Ein námsætlan skal gerast sum skjótast um eitt innleiðsluskeið í føroyskum sum fremmandamáli og samfelagsviðurskiftum til vaksin.

Mælt verður eisini til at gera ein skúla við lærarum í føstum starvi at skipa fyri mál- og samfelagsskeiði.