- Tíðindi, mentan og ítróttur
Partarnir handað hvør øðrum krøvini
Partarnir handað hvør øðrum krøvini
Samráðingarnar millum Føroya Arbeiðsgevarafelag og Súluna, sum er fakfelagið hjá flogternunum, ið starvast hjá Atlantsflogi, eru byrjaðar
![](https://kvf.fo/sites/default/files/styles/grein-ovasta-mynd/public/atlantic2.png?itok=e9I1WOQq)
03.09.2019 - 08:15
Partarnir handaðu hvør øðrum krøvini í gjár, og samráðingarnar halda fram seinni í mánaðinum, sigur arbeiðsgevarafelagið. Nevndin í Súluni er mannað av nýggjum, og samráðingarnar eru fyri allar flogternur hjá Atlantsflogi, bæði í Føroyum og Danmark.
Arbeiðsgevarafelagið sigur, at verkfalsfráboðanin frá Flyvebranchens Personale Union, FPU, fevnir bara um støðina hjá Atlantic Airways í Keypmannahavn, men hon rakar ikki flogternurnar, sum hava støð í Vágum, sigur felagið.
Føroya arbeiðsgevarafelag sigur eisini, at felagið er ikki fevnt av verkfalsfráboðanini frá FPU, og nú samráðingar eru byrjaðar við Súluna, væntar felagið, at verkfalsfráboðanin fyri støðina hjá Atlanstflogi í Keypmannahavn verður tikin aftur.
Nýggjastu sendingar í ÚV
Nýggjastu sendingar í SV