- Tíðindi, mentan og ítróttur
Frá Carnegie Hall til Klingruna
Um vikuskiftið fer Aldubáran at spæla konsert við tónleiki eftir Ludwig Van Beethoven. Tað er í sambandi við, at tónaskaldið fyllir 250 ár næsta ár.
Aldubáran er ein fleksibul stødd, bólkurin kann vera bæði stórur og lítil, og til hetta høvið er Aldubáran ein septett, tí víðagitna septettin hjá Beethoven verður á konsertskránni.
Aldubáran hevur í hesum sambandi sent boð eftir Kristinu á Váli, sum býr í USA. Kristina hevur lisið tónleik í sjey ár í New York økinum og er júst blivin liðug sum kandidatur í cellospæli.
Vikuskiftissendingin brúkti høvið til at gera prát við hana um, hvussu lívið er og hevur verið í stóra amerikanska býnum.
– Eg kann avgjørt viðmæla øðrum ungum til at fara til USA at lesa tónleik, sigur Kristina og leggur afturat, at uppihaldið í USA hevur givið henni nógvar týdningarmiklar royndir. Millum annað hevur hon spælt á viðagitna Carnegie Hall í New York.
Hoyr prátið við Kristinu her
Tak niður
Sí eisini