Varðhald fyri neyðtøkuroynd longt fýra vikur

27 ára gamli maðurin, sum er skuldsettur fyri neyðtøkuroynd í Havn, skal vera fýra vikur afturat í varðhaldinum.

Tað varð avgjørt í Føroya rætti í dag.

Maðurin skal eisini mentalkannast.

Maðurin er varðhaldsfongslaður fyri neyðtøkuroynd sunnunáttina 8.september.

Hann var varðhaldsfongslaður til 3.oktober, sum er í dag, men nú er varðhaldsfongslingin longd fýra vikur.

Úrskurðurin verður ikki skotin inn fyri Landsrættin.