Líka síðan hon var heilt ung, hevur hon støðugt flutt seg sum listafólk. Tá ið okkurt er liðugt, fer hon beinanvegin víðari. Hon er borin fram av einum skapanarforvitni og framdrátti at skapa.

Eivør Pálsdóttir er tilnevnd til tónlistavirðisløn Norðurlandaráðsins saman við 13 øðrum altjóða stjørnum, sum hava sett Norðurlond á tónleikaliga heimskortið.

Eivør er ovfarin um heiðurin, sum er eitt av mongum hæddarpunktum á hennara virknu virkisleið sum tónleikari í meira enn tvey áratíggju.

Í hesi samrøðuni við Eivør Pálsdóttir tosa vit um tað norðurlendska, um at flyta seg sum listafólk og menniskja, um at skriva sangir, um at gera feilir, um hennara fyrimyndir, um góð ráð og hennara lívsfelaga í lívinum og listini.