Heimafimleikur við SVT.

B 678 Tónleikagongustjørnan l
Tann lítli prinsurin og revurin eru aftur á ferð. Teir royna at rætta illgerðirnar hjá Slanguni, tá teir hoyra okkurt!

Jane (Ashley Judd) arbeiðir sum framleiðari á einum "talkshowi" og leitar eftir tí einasta eina.
Hon býr saman við starvsfelaganum, Ray (Greg Kinnear), sum kennist sum ein dreymamaður. Men knappliga rýmir Ray, og Jane leigar eitt verilsi frá leiðaranum á "talkshowinum" - konufólkarevinum Eddie (Hugh Jackman).
Jane avger at finna út av, hví øll mannfólk eru sovorðin svín! Hon skrivar ein teig í eitt lívsstílsblað, har hon samanber menn við tarvar. Og við eitt verður hon kend millum stakar kvinnur í USA.
Leikarar: Jane Goodale: Ashley Judd, Ray Brown: Greg Kinnear og Eddie Alden: Hugh Jackman.
Eisini eru: Liz: Marisa Tomei. Diane Roberts: Ellen Barkin. Alice: Catherine Dent. Stephen: Peter Friedman. Evelyn: Laura Regan.
Leikrit: Elizabeth Chandler eftir skaldsøgu hjá Laura Zigman.
Leikstjórn: Tony Goldwyn.
Upprunaheiti: Someone Like You
Framl.ár: 2001

Sonur John Q (Denzel Washington) dettur um av einum hjartatilburði í einum baseballdysti . Á sjúkrahúsinum siga Raymond (James Woods), hjartaserfrøðingurin og sjúkrahússtjórin (Anne Heche), at skal drongurin yvirliva, hevur hann brúk fyri eini hjartatransplantatión. Men tað kostar 250.000 dollarar, so nógvan pening hevur tann fátæki arbeiðsmaðurin John, ikki. Hetta fær øði í John, og hann hersetur sjúkrahúsið, tekur starvsfólkið gíslar og krevur, at sonurin verður skurðviðgjørdur beinanvegin! Meðan miðlarnir streyma til og dekka gíslatøkuna, roynir løgreglumaðurin Frank (Robert Duvall) at tosa við John. Samstundis sendir Gus (Ray Liotta), ein ungur løgreglumaður, ein loyniskjútta upp á takið at skjóta John!
Leikarar: Denzel Washington, Robert Duwall, James Woods, Anne Heche, Ray Liotta, Eddie Griffin, Heather Wahlquist og Laura Harring.
Leikrit: James Kearns.
Leikstjórn: Nick Cassevetes.

Fyrrverandi hermaðurin Jack Reacher (Tom Cruise) uppdagar, at fleiri fólk úr deildini, har hann var, eru myrd, og at avloysarin fyri hann, Major Susan Turner (Cobie Smulders), er sett í fongsul ákærd fyri njósning. Samstundis verður hann av órøttum ákærdur fyri eitt morð, sum hendi fyri 16 árum síðan. Hann hjálpir nú Turner at flýggja úr fongslinum. Meðan myndugleikarnir jagstra tey, fara tey saman at leita eftir teimum, sum standa aftan fyri morðini og følsku ákæruna. Tá koma tey fram á eina samansvørjing ovast í amerikansku stjórnini. Filmurin byggir á kendu spenningsbøkurnar eftir Lee Child, Jack Reacher.
Upprunah.: Jack Reacher: Never Go Back
Leikandi: Jack Reacher: Tom Cruise, Susan Turner: Cobie Smulders og Jagstrarin: Patrick Heusinger. Við eru eisini: Espin: Aldis Hodge. Prudhomme: Austin Hebert. General Harkness: Robert Knepper. Oberst Moorcroft: Robert Catrini. Handrit: Richard Wenk, Edward Zwick og Marshall Herskovitz eftir søgur hjá Lee Child.
Leikstj.: Edward Zwick.
Framl. ár: 2016
Framl.: Paramount
Aldursmark: 11