Summarfimleikur við Sofíu. Hon vísir, hvussu vit kunnu venja hendur.

19., 20. og 21 partur.
Gongustjørnan hjá Bubbli Gobbi.
Lítli prinsur og Revur koma til eina gongustjørnu, har fólk uppfinna øll møgulig tól. Men trupulleikin er, at alt verður blakað í havið, tá tað er brúkt, so havið er sera illa dálkað. Tann stóri uppfinnarin, sum øll hava álit á, og sum skal loysa trupulleikan, er ikki at finna.

Í sendingini hitta vit fitta vinin Vinus, sum dugir væl at finna uppá og siga frá. Inni hjá Vinusi er hugnaligt, veggirnir eru litfagrir, og hann eigur nógvar bamsur og nógv leiku at spæla við. Og góðar bøkur.
Í eini holu undir hillini býr Vimús. Vinus og Vimús eru vinir, hóast Vimús er ein mús. Alt sum Vinus eigur og finnur uppá, tað eigur Vimús eisini, ella næstan sama slag.

Hvørja ferð finna Vinus og Vimús upp á okkurt nýtt at vísa øllum. Sumt er torført at gera, sumt er torført at finna, og sumt er nokkso torført at siga. Alla tíðina ber til at læra seg at siga øll orðini, hóast tey eru torfør.

Vertir: Vinus: Rasmus Vigant Samuelsen.
Vimús: Páll Danielsen.

Í luftini er sjónvarpsrøð við tónleiki og práti úr Kringvarpshøllini.

Í sendingini tosa vit við fløguaktuellar tónleikarar, og tey framføra nøkur løg av nýggjastu útgávuni. Hesa ferð er Konsørn gestur.

Sendingin er gjørd í samstarvi við Faroe Music Export.

Undir øðrum veraldarbardaga sendir amerikanska fregnartænastan OSS (seinni CIA) eitt lítið lið av loyniagentum til Europa at sneyta upp leiðandi kjarnorkugranskaran í Nasitýsklandi Werner Heisenberg (Mark Strong). Moe Berg (Paul Rudd) er liðleiðari, hann er professjonellur baseballspælari, sum tosar sjey mál flótandi og varð njósnari undir krígnum. Amerikanarar stúra fyri, at týskarar eru komnir væl áleiðis við at menna eina kjarnorkubumbu, og eru teir tað, er tað uppgávan hjá Moe og liði hansara at myrða Heisenberg. Men er Heisenberg í grundini áhugaður í at gera eina bumbu fyri nasistarnar, ella roynir hann við vilja at toyggja gongdina?
Filmurin byggir á veruligar hendingar.

Leikstj.: Ben Lewin

Handrit: Robert Rodat, Nicholas Dawidoff (byggir á søguna: Catcher Was a Spy: The Mysterious Life of Moe Berg

Leikarar: Paul Rudd, Pierfrancesco Favino, Tom Wilkinson