Í sendingini hitta vit fitta vinin Vinus, sum dugir væl at finna uppá og siga frá. Inni hjá Vinusi er hugnaligt, veggirnir eru litfagrir, og hann eigur nógvar bamsur og nógv leiku at spæla við. Og góðar bøkur.
Í eini holu undir hillini býr Vimús. Vinus og Vimús eru vinir, hóast Vimús er ein mús. Alt sum Vinus eigur og finnur uppá, tað eigur Vimús eisini, ella næstan sama slag.

Hvørja ferð finna Vinus og Vimús upp á okkurt nýtt at vísa øllum. Sumt er torført at gera, sumt er torført at finna, og sumt er nokkso torført at siga. Alla tíðina ber til at læra seg at siga øll orðini, hóast tey eru torfør.

Vertir: Vinus: Rasmus Vigant Samuelsen.
Vimús: Páll Danielsen.

Lotta fer at ferðast til ommu og abba úti á bygd. Men alt gongur ikki, sum Lotta vil! Hon er ill og hevur bestan hugin at fara heim aftur.

(Together in isolation).
Pólsk sending um tíðina, tá koronavirusið kom til Føroya, tá Føroyar fóru niður í ferð. Tosað verður við fólk um, hvørja ávirkan henda tíðin hevur havt á gerandisdagin.

Sendingina gjørdi: Jakub "Kuba" Witek.

Í luftini er sjónvarpsrøð við tónleiki og práti úr Kringvarpshøllini.

Í sendingini tosa vit við fløguaktuellar tónleikarar og tey framføra nøkur løg av nýggjastu útgávu teirra. Hesa ferð er Høgni gestur.

Sendingin er gjørd í samstarvi við Faroe Music Export.

Andri og Dabbi ferðast í Føroyum og tosa við føroyingar um land og mentan. Hesa ferð vitja teir í Kringvarpinum, har teir tosa við gekkavertin Magnus Magnussen. So møta teir Johan í Kollafirði í oyðigarði hansara í Fámara. Síðani hitta teir Árant Hansen, sum er savnsvørður í Gøtu. At enda koyra teir runt í Føroyum og síggja flótandi steinar, Risan og Kellingina, Slættaratind og Gjógv.

Luttakarar:
Magnus Jacob Magnussen ? vertur
Johan í Kollafirði
Martin Kúrberg ? leiðari á Herberginum
Árant J. Hansen ? savnsvørður í Blásastovu

Framleiðari/útgevari: Hugi Halldórsson, hugi@storveldid.is, Stórveldið.
Skrágerð: Haraldur Sigurjónsson, Andri Freyr Viðarsson, Davíð Magnússon
Umsjónarmaður: Andri Freyr Viðarsson

Lars Olsen, venjari, samlar liðið fyri seinastu ferð áðrenn landsdystin. Liðið skal avstað á venjngarlegu í Svøríki, har Lars Olsen krevur, at spælararnir ikki smakka rúsdrekka. Men allir akta ikki eins væl boðini frá venjaranum. Liðið hittir bestu kvinnur í Suðursvøríki, til síðsta venjingardystin. Hava gomlu landsliðsstjørnurnar møguleika at vinna dystin móti væl vanda kvinnuliðnum? Og verður Lars Olsen klókari um byrjanaruppstillingina til landsdystin?Framl.: Blu
Framl. fyri: TV 2 DANMARK
Framl.ár: 2020

Hálvt ár er farið, síðan Hugo gav fyrsta lagið út, og enn eru ikki fleiri komin. Áhugin fyri honum er stórur, nú hann arbeiðir við at geva aðru stakfløguna út og prógva, at hann er meir enn sonur pápan.

Tey trý pørini, Jane og Morten, Ditte og Dietmar og Camilla og Martin, hava nú stríðst í hvør sínum lagi í tveir mánaðir at broyta lívsstíl.
Tað er ikki bara lætt, nógvir eru trupulleikarnir, tey hava at dragast við.