Summarfimleikur við Sofíu. Hon vísir, hvussu vit kunnu venja styrki.

Í luftini er sjónvarpsrøð við tónleiki og práti úr Kringvarpshøllini.

Í sendingini tosa vit við fløguaktuellar tónleikarar og tey framføra nøkur løg av nýggjastu útgávu teirra. Hesa ferð er Høgni gestur.

Sendingin er gjørd í samstarvi við Faroe Music Export.

Eg livi optimalt, tá eg sigli, sigur Birgir Enni, sum seinastu mongu árini, hvørt summar hevur siglt kring oyggjarnar við Norðlýsinum. Hóast veðrið er skiftandi, eru tað fáir túrar, sum verða avlýstir, tí einki eitur ringt veður, tað eru bara ymisk sløg av góðum veðri. Birgir Enni er eisini kokkur umborð fyri tey mongu ferðaløgini, sum vitja skipið, og tá syrgir hann sjálvur fyri at skaffa allan matin. Hann heldur, at føroyingar geva sær alt ov lítið far um alt tað ríkidømið, vit eiga beint uttan fyri dyrnar - vit mugu læra okkum at virða okkara egna, um vit skulu yvirliva sum tjóð, sigur hann.
Lagt til rættis: Ingun í Skrivarastovu og Bjarni Rubeksen.

Í dag er HSF 40 ár og í tí sambandi hava vit valt at endursenda sendingina "Teim bilti ei magn og mót" frá 2015.

Hondbólturin var einaferð flaggskipið í føroyskum ítrótti. Stóri framburðurin er í 70-unum. Tá koma hallirnar, og við teimum kollveltist hondbóltsspælið. Føroyar fingu tíðliga limaskap í altjóða hondbóltssamgonguni IHF, og føroysk lið fóru at spæla Europa Cup dystir longu í 1972. Manslandsliðið var ógvuliga virkið og spældi fleiri dystir á hvørjum ári, úti sum heima. Í 1976 er føroyska manslandsliðið sum fyrsta føroyska ítróttalið nakrantíð við í einari heimsmeistarakapping. Hesa tíðina spæla fleiri føroyingar hondbólt á høgum stigi í Danmark. Kári Mortensen spælir í Efterslægten og síðani Saga frá 1973 til 1979, og er eyðsýndur spælari í fremstu donsku deildini. Eyðfinn Egholm og Hanus Joensen standa seg eisini ógvuliga væl í øðrum feløgum. Hondbóltsfepurin í Føroyum er upp á tað mesta í februar 1980, tá ið C-heimsmeistarakappingin fyri manslandslið verður hildin her heima. Tíggju lond eru umboðað í kappingini, teirra millum Frakland, sum í dag er mætasta manshondbóltstjóð í heiminum. Spælt verður í øllum trimum høllunum í landinum, í Havn, Klaksvík og í Vági, har nýggj høll júst var komin. Stevnan er endin á glæsiligasta tíggjuáraskeiðnum í føroyskum hondbólti. Í sendingini hitta vit spælarar, venjarar og aðrar, sum gjørdu sítt til, at hondbólturin var flúgvandi í Føroyum í 1970-árunum.
Lagt til rættis: Suni Merkistein, Brian Samson tók upp og Hans Petur Hansen setti saman.

At Føroyar hava vunnið sær rættin til egið flagg, er ikki komið av sær sjálvum. Merkið varð sum kunnugt viðurkent sum alment føroyskt flagg í 1940 og seinni staðfest í Heimastýrislógini í 1948, men stríðið fyri flagginum var drúgt. Tað vóru føroyskir studentar í Keypmannahavn við Jens Olivur Lisberg á odda, sum tóku stig til flaggið. Føroyingar fingu beinanvegin tokka til studentaflaggið, og brátt varð veittrað við tí á fólkafundum í Føroyum. Men tað er ikki fyrr enn skipini fara at sigla við tí, at stríð tekur seg upp við donsku myndugleikarnar. Tað kemur til skarpskeringar Føroyar og Danmarkar ímillum eftir flagggøluna á Tingvøllum í Íslandi í 1930 og íkki minni á ólavsøku sama ár. Tá ið Seinni Heimsbardagi brestur á og bretar herseta Føroyar, er flaggspurningurin vorðin brennandi heitur. Samstundis sum danskir og bretskir myndugleikar umrøða støðuna, fylkjast føroyingar í stórum um kravið at vinna flagginum viðurkenning. Søgan um flaggið er eisini søgan um studentaútisetar við romantiskum hugsjónum, um eljustríð og lagnur, um djarvar og stoltar sjómenn, um sjálvstýrisstríð og eina ríkisrættarliga støðu í hóttafalli.

Suni Merkistein og Hans Petur Hansen leggja til rættis.

Vit senda beinleiðis frá skrúðgongu og setan á Tinghúsvøllinum.

Vit senda beinleiðis frá ársins seinasta FM-kappróðri á ólavsøku.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Mouk, Elias og L fyri lomb.
"Snipp snapp" er hvørt mikukvøld, og hóskvøld og leygarkvøld og sunnumorgnar.

Gudbrandskvæði, Veðratáttur, Blakman konge og Brókatáttur.

Beinleiðis sending av Vaglinum í Havn við innsløgum og gestum í studio. Vit eru úti á gøtunum og lodda dýpið, hitta fólk og práta um leyst og fast í sambandi við ólavsøkuna. Vístur verður samandráttur av ólavsøkusetanini og kappróðrinum.
Sendingin verður endursend ólavsøkudag.

Vit senda beinleiðis frá skrúðgongu og setan á Tinghúsvøllinum.

Sendingin er frá 2014 og er um Ólav Hátún, sála, ið stóð á odda fyri føroyskum kórum í útivið hálva øld.
Í 2014 var skeiðið um at enda. Ein konsert var eftir, har Ólavur stjórnaði Havnarkórinum fyri seinastu ferð. Ólavur var útbúgvin lærari, musikkpedagogur og organistur. Í sendingini lítur hann aftur á eitt langt lív við tónleiki, meðan hann fyrireikar síðstu konsertina.
Í gjár hevði hann fylt 90 ár, hevði hann livað, í tí sambandi verður sendingin "Áðrenn konsertina" endursend í kvøld.
Lagt til rættis: Ivan Hentze Niclasen.

Gudbrandskvæði, Veðratáttur, Blakman konge og Brókatáttur.