Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgnar.

Argolarnir.
Tá Shamani varnast, at vektloysistíðin (tíðin teir tríggir mánarnir í Doodjia smelta saman til ein, og alt, sum ikki er bundið fast, fer at sveima) nærkast, roynir ættbólkurin av ølluma alvi at náa fram til skógin. Men einaferð Shamani drekkur úr eini tjørn, verður hann sjúkur og fer at bera seg undarliga at.

Vit fara at síggja nógv ymiskt forvitnisligt, okkurt kenna vit aftur, tó alt er nýliga framleitt. Børn í Føroyum greiða frá frítíðarítrivi og áhugamálum. Dagurin í dag er við, eins og Petursa borð. Og so verður ein nýggjur táttur við, tað er - Vísindaroyndin.

Børnini í Dundurdali er svensk sendirøð í 7 pørtum. Astrid Lindgren hevur skrivað søguna.
Børnini ganga í skúla í grannabygdini. Eftir skúlatíð gera tey annars tað, sum tey hava bestan hug til akkurát tann dagin. Um summarið spæla tey alt møguligt, har bert hugflogið setur markið.
Nú hava tey hoyrt, at Nykurin heldur til í vatninum. Tað mugu tey kanna nærri!

Frumskógur veitir ríkastu búøki á jørðini ? loyndarfullar heimar við spenningi í hæddum, har merkilig dýr royna at yvirliva í mest kappingarmerktu økjum. Skógir, sum standa undir í vatni, eru tilhaldsstað hjá alligatorjagstrandi jaguarum, og løgnar delfinir svimja millum trækrúnurnar. Frumskógarnáttin dylir sjáldsom djór, sum aldri eru filmað fyrr.

Tindasvín kallast eisini igulkøttur. Men hvussu bera tindasvín seg at, tá tey gera ungar? Vit lúra eftir tindasvínum í Oslo og eisini eftir einum - tí einasta svanaparinum, sum reiðrast í Aust-Agder. Hyggjaravideo við stuttligum og spennandi upptøkum av villum djórum í norsku náttúruni.

Hví møðast vit av kropsligum arbeiði?
Paradigmuskifti í 100 ár.

Í sendingini "Túnatos" í kvøld eru Elis Poulsen og Jens Jákup Hansen í Sørvági og práta við fólk um tað, sum hendir í gerandisdegnum.

Hóast aldursmunin hava Karsten og Leif ment eitt heilt serstakt vinalag, sum er grundarlag undir góðu gongdini. Látur og góðar samtalur seta dám á dreingjatúrin til barnaheimið hjá Leif Olav í Torvikbukt.

Um fáar dagar byrjar kapping í tvíspor í Klampenborg, og tá er bæði spenningur og fjáltur millum luttakararnar. Rikke og Nicolaj hava fyri stuttum fingið sær fjós, so tey hava einans ta einu sesongina at vísa, at tey kunnu kvalifisera seg til derby.
Partur: 2.
Framl. ár: 2022
Framl.: Made in Copenhagen
Framl. fyri: TV 2 DANMARK

Hvussu er lívið hjá kendum heilt privat, og hvussu fáast bæði familjulív og karriera at ganga upp í eina hægri eind? Martin Brygmann, Julie Berthelsen og Jens Gaardbo lata dyrnar upp og geva okkum innlit í arbeiðs- og familjulívið. Martin og beiggin, Lars Brygmann, spæla fyri fyrstu ferð saman í einum donskum filmi, og teir brúka høvið at bjóða pápa sínum við til fyrstusýning. Hjá familjuni Berthelsen skal vera veitsla, tí sonur Julie, Casper, hevur fyrsta skúladag.
Framl.: Metronome Productions A/S
Framl. fyri: TV 2 DANMARK
Framl.ár: 2019

Konsertmeistarin Kolbjørn Holthe hjá KORK er eisini ein framúrskarandi dirigentur.
Her leiðir hann sínar egnu troppar í Schuberts ófullgjørdu symfoni og allarseinasta orkesturverkinum hjá Sibeliusi, Tapiola.

Av og á er músaár. Stovnurin av smágnagdýrum gerst himmalhøgur. Síðan kavar talið heilt niður aftur og dregur nógv av skógardýrunum við sær. Frá øgiligum mongdum niður í mestsum onki. Hetta endurtekur seg ferð eftir ferð og setir sín dám á norðurlendsku náttúruna. Granskarar eru ikki samdir um, hvør orsøkin er til hesa gátuføru ringrás.

Henrik Böckelman spælir bæði black metal og lutaleik, og leiklutirnir kunnu vera óndir!
Redaktørur: Hanna Klingenberg.

Frælsisgávan.
Í hesum partinum eru doodjiar lendir á eini veldigari grótveru. Limirnir á hesi grótveruni eru brúgvar yvir um tær veldigu gjáirnar ímillum fjallatindarnar. Teir sleppa ongan veg, og knappliga kemur Quag Naga. Nú má Enyo fáa steinveruna at samarbeiða og endurskapa brúgvarnar, samstundis sum hann má bjarga Agayu, sum Quag Naga hevur tikið.

Berin hevur 20 ára "føðingardag" í ár, og í hesum sambandi skipar felagsskapurin fyri stórari landsinnsavning í Kringvarpinum sunnukvøldið 5. mars kl. 19 beinleiðis úr Norðurlandahúsinum.

Innsavningin verður skipað eftir sama leisti sum onnur innsavningartiltøk, sum hava verið í sjónvarpinum. Talan verður um eina sending við samrøðum, innsløgum um virksemið hjá Beranum og tónleiki.

Kári Sólstein og Eydna Skaale eru vertir.

Tann vælkendi krimirithøvundurin Harlan Thrombey (Christopher Plummer) verður funnin deyður í stóru húsum sínum eftir 85 ára føðingardagin. Øll í familjuni eru illtonkt, og detektivurin Benoit Blanc (Daniel Craig) verður boðsendur at fáa greiðu á morðinum. Nú vísir tað seg, at fleiri lík eru í lastini, og Blanc má rekja eitt fløkt spinn av følskum sporum og lygnum, so hann kann greiða morðgátuna.
Upprunah.: Knives out
Leikarar: Benoit Blanc: Daniel Craig, Ransom Drysdale-Thrombey: Chris Evans og Linda Drysdale-Thrombey: Jamie Lee Curtis. Við eru eisini: Marta Cabrera: Ana de Armas. Walter Thrombey: Michael Shannon. Richard Drysdale-Thrombey: Don Johnson. Harlan Thrombey: Christopher Plummer. Joni Thrombey: Toni Collette. Handrit og leikstj.: Rian Johnson.
Framl. ár: 2019
Aldursmark: 11