Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa-Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgnar.

Hvirlan.
Kríatúrini hjá doodjiarum verða sjúk og Hunga krevur, at tey skulu verða eftir, tá fólkið heldur fram á leiðini. Men Agaya er góð við sín togo og vil bjarga honum. Hon fer út at leita eftir torgilum, sum eru steinar, ið verða til, tá ljósareyð snarljós raka jørðina, og sum kunnu grøða alt. Hon veit ikki, at Quag Naga og hansara menn eru í hølunum á henni.

Vit fara at síggja nógv ymiskt forvitnisligt, okkurt kenna vit aftur, tó alt er nýliga framleitt. Børn í Føroyum greiða frá frítíðarítrivi og áhugamálum. Dagurin í dag er við, eins og Petursa borð. Og so verður ein nýggjur táttur við, tað er - Vísindaroyndin.

Í øðrum parti eru børnini í Dundurdali strandað á eini oyggj. Har er hvørki matur ella drekka. So nú eru góð ráð dýr!

Ingrid Alexandra prinsessa fær búnan frá ommu og abba í fermingargávu. Búnin skal verða eindømi, sum serfrøðingar úr øllum landinum sniðgeva.

Krabbamein í Føroyum - frá 1960 til 2020.

Þegiðu og syntu!
Íslendskur dokumentarur um Sigrún Þuríð Geirsdóttiur, sum er tann fyrsta íslendska konan at svimja um Ermarsund.
Í dokumentarinum verður greitt frá hesum megnaravriki, har hon svam út í eitt í 22 tímar og 34 minuttir. Greitt verður frá søguni hjá Sigrún, hvør hon er, hví hon fór at svimja á sjónum, og hví hon gjørdi av at svimja um Ermarsund.
Dokumentarurin inniheldur upptøkur frá sjálvari svimjingini, har mann kann síggja Sigrún og
fylgið hjá henni flenna, gráta, spýggja, geva upp,
syngja og gleðast.

Oyðimerkur eru lendi fyri tey snildu dýrini, umstøðurnar eru sera ólagaligar og eru uppruni til tær mest ótrúligu søgurnar um tað at yvirliva á jørðini. Ein flokkur av oyðimarkarleyvum er so hungraður, at leyvurnar vága sær at jagstra ein giraff, sum er fleiri ferðir so stórur sum tær. Og óhøgligt er hjá djórum at fara eftir vatni, tí langt er ímillum vatnhyljarnar. Og fyri fyrstu ferð eru upptøkur gjørdar av eini lítlari flogmús, sum berjist við eina ta deyðiligastu skorpiónina.

Endiliga er dagurin komin. Karsten Warholm skal byrja sesongina á Bislett til Impossible Games. Er skaðin nóg væl lektur, so hann kann liva upp til væntanirnar um heimsmet?

Karin Salling hevur stórar vónir til ´Kong Salomon´ um at vinna derby. Í Klampenborg verður kappast um plássini til derby. Hjá Rikku og Nicolaj, sum fyri stuttum eru byrjað, gongur ikki heilt eftir vild.
Partur: 3.
Framl.ár: 2022
Framl.: Made in Copenhagen
Framl. fyri: TV 2 DANMARK

Tann ungi violinspælarin Jiyoon Lee vann Carl Nielsen-kappingina í 2016 og spælir her í Nielsens meistaraligu violinkonsert.
Miguel Harth-Bedoya stjórnar.

Einsamasta summarstarvið? Í kapping við meir enn 100 umsøkjarar úr øllum Evropa fekk Kristoffer uppgávuna at ansa eftir, um eldur skuldi komið í, hann skal halda til í tí 14 metra høga torninum á Linnekleppen í Østfold.
Stað: Linnekleppen, Østfold.

Í hugaheiminum hjá Torbjørn Egner hildu dýrini, at tørvur var á bata. Tey vóru ikki nøgd við støðuna, sum hon var, har dýrini ótu hvønnannan. Hvussu er í veruleikans Vallbakkaskógi? Trond Berg vísir, hvussu lívstreytirnar eru har úti. Tí fjórðahvørt ár uppliva mýsnar nakað, sum er verri enn Svartideyði.

Marianne Jansson búði í 17 ár í einum sektlíknandi systralag í einum kleystri í Týsklandi. Tá hon yvir fyri leiðaranum fór at seta spurnartekin, varð hon burturvíst!
Nú kann hon líta aftur á kleysturtíðina uttan beiskleika.
Redaktørur: Nina Granvik.

Minnir í myrkri:
Ein mýruvera loypur á doodjiar, og Enyo er í so djarvur og heldur, at hansara totemgávur kunnu hjálpa honum at tala við mýruveruna. Úrslitið er vanlukkuligt, tí Enyo missir minnið og rýmir úr ættbólkinum. Tað endar við, at Quag Naga finnur hann og varnast, hvat er á vási.

Í hesi sendingini frá Channel 4 í Onglandi fylgja vit við, tá nakrir av dugnaligastu kondittarum gera kakur av serligum slag til krevjandi kundar.

Lars og hundurin Kayaque halda fram inn í Femundsmarka fram við Rogen vatni og Mugga á. Hann møtir einum løgnum manni við revolvara, sum hevur sin egna hátt at vinna á á eini stórgeddu. Sesong 2.
Broadcast Company NRK.

Í nýggjari sendirøð um Føroyar verður ljós varpað á støðu okkara í danska ríkinum. Landafrøðiliga, mentanarliga og málsliga skilja Føroyar seg burturúr í Ríkisfelagsskapinum. Vit fata okkum sum egin, ikki donsk - og tó. Vit eru bæði - ella kanska hvørki? Vit ráða okkum sjálvum, men kortini ikki heilt. Vit rinda fyri okkum sjálvi, men kortini ikki heilt. Búskaparliga hevur framburðurin síðan aldamótið verið so stórur, at Føroyar teljast millum ríkastu samfeløgini í heiminum í dag. Kortini tykist spurningurin um at ráða sær sjálvum ikki so viðkomandi longur, og hevur ikki verið frammi sum eitt nevnivert tema á seinastu løgtingsvalunum. Tvørturímóti er fatanin av okkum sjálvum sum samrunnin minniluti í danska eindarríkinum kanska sterkari nú enn fyrr.

Seks partar eru í alt í nýggju sendirøðini, ið ber heitið "O, móðurlandið". Farið verður víða um í einari breiðari lýsing av evninum. Nýggjar samrøður eru gjørdar við fleiri enn fjøruti fólk, hartil er fitt av eldri tilfari útvegað bæði úr føroyskum og donskum søvnum. Í hesum fyrsta partinum verður kjølurin strektur frá landnámi til fólkaatkvøðuna í 1946.

Suni Merkistein og Jógvan Eli Dam leggja til rættis.

Tríggir partar verða sendir fyri páskir og hinir tríggir eftir páskir.

Saxo Bank er eitt av størstu vinnuævintýrum í Danmark. Lars Seier Christensen og Kim Fournais, ið stovnaðu bankan, hava tjent milliardir upp á væleydnaða bankan. Men hvar koma pengarnir frá? TV 2 Dokumentar kannar, hvat er hent í Saxo Bank, og hvussu bankin hevur tjent pengarnar.

Vertirnir Michèle Bellaiche og Abdel Aziz Mahmoud bjóða vælkomin til stóra veitslu fyri films- og mótaáhugað. Her fara tey, saman við filmserkønu Ask Hasselbalch, Sarah Iben Almbjerg og Molly Blixt Egelind, at hyggja nærri eftir, hvat vit kunnu vænta okkum av ársins Oscarveitslu. Tá tær fyrstu stjørnurnar koma til The Dolby Theater í Hollywood, fara mótaserkønu Julia Lahme, Uffe Buchard og Emili Sindlev at viðmerkja kjólar, stýling og vakurleika.
Upprunah.: Oscar 2023: Og tilnevnd eru - beinleiðis.
Vertir: Michèle Bellaiche og Abdel Aziz Mahmoud. Filmserkøn: Ask Hasselbalch, Sarah Iben Almbjerg og Molly Blixt Egelind. Mótaserkøn: Julia Lahme, Uffe Buchard og Emili Sindlev.
Framl. ár: 2023
Framl.: Nordisk Film og TV

Nú koma tær kendu stjørnurnar til ársins Oscar-handan í Hollywood, Los Angeles ílatin í vakrasta skrúð, og teir donsku vertirnir og mótaserkønu Julia Lahme, Uffe Buchard og Emili Sindlev fara frá tí veitslukenda Oscar-studiinum at leiða hyggjararnar ígjøgnum tað, sum fer fram. Viðmerkingar eru til kjólar, stíl og vakurleika.
Upprunah.: Oscar 2023: Den røde løber - direkte
Vertir: Michèle Bellaiche og Abdel Aziz Mahmoud. Filmsserkøn: Ask Hasselbalch, Sarah Iben Almbjerg og Molly Blixt Egelind. Mótaserkøn: Julia Lahme, Uffe Buchard og Emili Sindlev.
Framl.ár:2023
Framl.: Nordisk Film og TV

Nú er ársins størsta hæddarpunkt hjá øllum, sum dáma film og vakurleika - Oscar-handanin. Í ár er handanin fyri 95. ferð, Jimmy Kimmel er vertur, og alt fer fram í Dolby Theater í Hollywood. Danmark hevur fleiri møguleikar at vinna høgt mettu filmsheiðurslønina. Anders Walter og Pipaluk K. Jørgensens ´Ivalu´ eru tilnevnd í kategoriini ´Besti stuttfilmur´, Simon Lereng Wilmonts ´A House Made of Splinters´ er tilnevndur í kategoriini ´Besti dokumentarfilmur´, og Mikkel E.G. Nielsen er tilnevndur í kategoriini ´Besta klipp´ fyri arbeiðið við ´The Banshees of Inisherin´. Svenski filmurin ´Triangle of Sadness við tveimum donskum sjónleikarum, Vicki Berlin og Zlatko Buric, á leikaralistanum er tilnevndur tríggjar Oscars, m.a. ´Besti filmur´.
Uppr.h.: Oscar 2023
Vertir: Michèle Bellaiche og Abdel Aziz Mahmoud. Filmsserkøn: Ask Hasselbalch, Sarah Iben Almbjerg og Molly Blixt Egelind. Mótaserkøn: Julia Lahme, Uffe Buchard og Emili Sindlev.
Framl.ár: 2023
Framl.: Nordisk Film og TV

Veitslan aftaná.
Vit fylgja við í veitsluni aftaná og prátað verður við stjørnurnar eftir Oscarhandanina.
Uppr.h.: On the Red Carpet 2022: The Winners
Vertir: Michèle Bellaiche og Abdel Aziz Mahmoud. Filmsserkøn: Iben Hjejle, Søren Frellesen og Ann Lind Andersen. Mótaserkøn: Julia Lahme og Uffe Buchard.
Framl. ár: 2022