Skrá Sjón

Í "Snipp snapp" eru teknifilmar, ið eru ætlaðir smáum børnum. Hesa ferð eru teknirøðirnar Grísa Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgnar.

Ghalararnir.
Ghalarar taka doodjiar til fanga. Ghalarar eru eitt spøkilsiskent, hvítt fólk, sum brúkar sínar gávur til at fanga ferðandi og lata tey sum gávu til tann grøna skógarandan. Quag Naga rænir Enyo og shaman-drongin hjá ghalarunum, Hekto, og stjelur eisini tann heilaga steinin hjá tí grøna skógarandanum. Nú noyðast tey bæði fólkini doodjiar og ghalarar at arbeiða saman fyri at vinna á Quag Naga.

Vit fara at síggja nógv ymiskt forvitnisligt, okkurt kenna vit aftur, tó alt er nýliga framleitt. Børn í Føroyum greiða frá frítíðarítrivi og áhugamálum. Dagurin í dag er við, eins og Petursa borð. Og so verður ein nýggjur táttur við, tað er - Vísindaroyndin.

Tá summarfrítíðin er um at vera liðug, er tíð at seta krabbarúsurnar. Tað er so spennandi, og so sleppa tey at vera leingi uppi eisini.

Sæterjentens søndag eftir Ole Bull. Sissel Kyrkjebø við
orkestrinum hjá NRK,
Ingar Bergby stjórnar.

Vit síggja Helene Bøksles vøkru Noregs-ferð frá MGP-finaluni í februar.

Býir vaksa skjótari enn nakað annað búøki á jørðini. Hvør skuldi trúð, at dýr kundu trívast har, men har kunnu vera óvæntaðir møguleikar. Leopardar ganga og sneytast í gøtunum í Mumbai, ferðafalkur veiðir millum háhúsini í New York, og í luftini yvir Róm dansar ein millión av starum.

Flogvøllurin vesturi í Vágunum er lívsæðrin hjá føroyingum út í heim. Her er ein serligur spenningur í luftini. Flogfør koma og fara og taka eitt sindur av umheiminum við sær hendavegin.
Nógv fólk ferðast um flogvøllin, og umleið 5000 flogfør koma og fara um árið, men hetta er eisini arbeiðsplássið hjá nógvum fólkum. Í hesari sending fara vit at fylgja tí dagliga arbeiðinum á flogvøllinum, og vit fáa innlit í eina verð, sum vit vanliga ikki geva okkum far um, tá vit koma og fara um flogvøllin.
Lag til rættis: Jens Jákup Hansen.

Frá landnámi til FarGen 2.

Martin Brygmann er væl greiður yvir, at hann hevur rættiliga nógv at gera, men tá hann er ov seinur til upptøkurnar til reklamuna til ´Terkel - The Motherfårking Musical´, kennir hann seg av álvara kroystan, og brádliga hevur Martin ilt við at minnast tað, sum hann skal siga. Julie Berthelsen hevur ivast í, hvat hon vil við tónleikinum, men nú er íblásturin aftur, og hon er til reiðar at fara undir nýggja innspæling fyrstu ferð í tíggju ár. Hóast Jens Gaardbo er farin um tey 62, er hann framvegis journalistur av heilum hjarta.
Framl.: Metronome Productions A/S
Framl. fyri: TV 2 DANMARK
Framl.ár: 2019

Donsk Derby nærkast, og alt í einum eru Nicolaj og Rikke millum favorittarnar. Við ríðingarbreytina í Klampenborg eru nógv kend andlit, m.a. Abba-legendan Benny.
Men í tvíspor er einans ein vinnari.
Partur:5.
Framl.ár:2022
Framl.: Made in Copenhagen
Framl. fyri: TV 2 DANMARK

Vár er í høvuðsstaðnum, og Slottið í Oslo bjóðar fleiri aktivitetir fyri vitjandi ikki minst í Slotsparkini. Sonja drotning sigur frá.
Programml. er Atle Bjurstrøm.

Hvat hevur miðøld í felag við sjónvarps-røðina ´Game of Thrones´? Og hvussu kann ástsjúka hjá einum kongi enda við, at alt Danmark fer á heysin? Tað og nógv annað fáa vit at vita í sendingini, har Peter Ingemann fer eina ferð aftur í søguna. Í fyrstu sending um kongaraðið skulu vit hitta teir átta kongarnar, sum ráða í Danmark fram til 1076.
Vertur: Peter Ingemann.
Partur: 1.
Framl.ár: 2021
Framl.: Heartland
Framl, fyri: TV 2 DK

Kamartónleikur í koronutíðini. Eftir kvirru í tvær vikur í NRK studionum, vóru nakrir KORK-tónleikarar samlaðir til kamarkonsert - uttan lurtarar. Á skránni: Floyta, sello og trombonekvartett.

Í 400 kilometra longu Snowdrift River er ikki nógvur fiskur, og Jens er svangur í heilum. Hann fær eina stóra geddu á, men er óheppin og sker seg í hondina.

Hyggjari fær nýggjan stíl.

Mats Söderman kappast í kropsbygging (bodybuilding) og brúkar fleiri tímar um dagin í venjingarhølinum. Umframt vekt- og føðslulæru, er sosiali parturin eisini týdningarmikil partur av ítróttinum. Redaktørur: Hanna Klingenberg.

Vindríkið.
Doodjiar eru vilstir í einum dali, sum er fullur av grótsúlum. Shamani sendir Enyo upp á toppin á eini veldigari grótsúlu at biðja vindandan vísa teimum veg. Enyo tekur Ito og Agayu við, og tað verður ein sera spennandi ferð. Ferðin er vandafull, og meðan tey eru burtur verður Hunga illa særdur av harponunum hjá vindandanum. Tá tey nærkast toppinum, upplivir Enyo vreiði vindandans, og hann noyðist at halda fram einsamallur.

Í hesi sendingini frá Channel 4 í Onglandi fylgja vit við, tá nakrir av dugnaligastu kondittarum gera kakur av serligum slag til krevjandi kundar.

Lars og Kayaque halda fram yvir Finnmarksvidda til Smørfjordeid og síðan til Bringnes, har hevur verið offurstaður í eldri samiskari tíð. Sesong 2.
Broadcast Company NRK.

Triði partur í røðini fevnir um 70-ini, 80-ini og 90-árini. 70-ini eru rættilig framburðsár í Føroyum. Menning og vøkstur sæst um alt samfelagið. Tá ið Javnaðarflokkurin, Fólkaflokkurin og Tjóðveldisflokkurin skipa samgongu í 1975, verður á fyrsta sinni farið undir veruligar yvirtøkur. Men vøksturin í ríkisstuðlinum úr Danmark stendur kortini við og økist hesi árini.

Atli Dam er løgmaður øll 70-ini. Hann er hin nýggi, sterki maðurin í føroykum politikki. Hann kemur í andglettin í rokmiklu EEC-trætuni, ið gjørdist stríðsmál í Føroyum fyrrapartin í 70-árunum, men málið endaði soleiðis, at allir føroyingar vóru nøgdir. Var hetta partvíst eitt tjóðskaparmál, so var onnur træta, ið kyknaði upp stutt eftir - málstríðið í Hoydølum - tjóðskaparstríð burturav.

80-ini eru eitt kapitul fyri seg í Føroyum. Tá fer alt av lagi í einum "dance macabre", har eingin gáaði um reyð ljós ella ávaringarlúðrar. Ikki fyrr enn í 1992 - best sum føroyingar fegnast um at hava vunnið áralanga stríðið um ráevnini í undirgrundini - vakna vit við kaldan dreym. Føroyar eru rætt og slætt farnar á húsagang. Fólka missa tað, tey eiga, og rýma yvir háls og herðar av landinum - til Danmarkar. Eini 5000 í alt. Fólkatalið minkar á leið tjúgu prosent. Í nýggjari tíð hevur neyðin ikki verið so ring í Føroyum sum nú. Støðan í Ríkisfelagsskapinum er spent. Føroyar verða settar undir umsiting, og danska stjórnin leggur við beinharðar treytir fyri sínum hjálparpakkum. Føroyar eru bæði fíggjarliga og í sínari særdu sjálvsfatan varpaðar langt aftur í amtstíðina.

Suni Merkistein og Jógvan Eli Dam leggja til rættis.

Lasse Spang Olsen hittir mannin, sum kom livandi upp úr skipsvrakinum eftir 3 dagar á 34 metra dýpi. Vit hoyra bjargingarkavarar siga frá, hvussu lívshættisliga bjargingin fór fram. Og so fara vit 11 kilometrar niður í heimsins djúpasta hav - og vit vitja vrakið av Titanic í heimsins mest framkomna heimagjørda kavbáti og eru við serkavarum niðri og gera bumbur frá seinna veraldarbardaga óvirknar.

Michael Jennings er ein dugnaligur verkfrøðingur og arbeiðir sum íðnaðarnjósnari, og starvið er væl lønt. Ein loynilig uppgáva skal enda við milliard í løn, treytað av, at Michael fær minnini tey seinastu árini strikaði úr heilanum. Men tá hann raknar við, er milliardin horvin. Í staðin hevur hann ein brævbjálva við ymiskum smátingum, sum kanska kunnu hjálpa honum at skilja, hvør hann er, og hví hann verður jagstraður av fyrrverandi stjóranum og einum FBI agenti við einari ákæru fyri landasvik og morð hangandi yvir høvdinum.
Leikarar: Michael: Ben Affleck. Rachel: Uma Thurman. Rethrick: Aaron Eckhart. Shorty: Paul Giamatti.
Leikrit: Dean Georgaris eftir stuttsøgu hjá Philip K. Dick.
Leikstjórn: John Woo.