Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa-Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgun.

Fjallið.
Doodjiar noyðast at steðga á, tí eitt fjall forðar teimum. Enyo fær eina avbjóðing, men hann ivast, um hann skal taka av. Sjálvt Shamani megnaði ikki avbjóðingina tann tíð tað var. Men Enyo noyðist, og hann klívur upp á fjallið og møtir har fjallaandanum og avbjóðingini.

Í barnarøðini Morsa fer Elisabeth á Bakka at vísa ymiska hárseting. Og vit vísa fleiri partar av nýggju bretsku barnarøðina Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen og Elin Dagbjartsdóttir.
Klipt: Sólfríð Maria í Rók.

Lagt til rættis: Elin á Rógvi og Jonna F. Mortensen.

Nú várar. Tað er fyrsti apríl, tá er loyvt at lumpa tann, sum tú vilt, og tað gera tey í Dundurdali.

Kongalig diadem glitra, tá nobelveitslur og aðrar fínar veitslur eru - nú er góður møguleiki at hyggja nærri at teimum dýrabaru gimsteinunum. Silvia drotning, Victoria krúnprinsessa og Christina prinsessa siga frá søguni um smúkkurnar sum symbol um vald og kærleika.
Í øðrum parti m.a. um topas frá tsarfamiljuni og um diademið, sum systrar kong vildu hava Silviu at bera kvøldið fyri brúdleypið.

Í fimmti- og sekstiárunum trossa tveir ungir mans alt vit og skil, og brúka alla sína frítíð og hópin av pengum upp á konstnaðarmikla filmsútgerð og ráfilm, fyri at dokumentera bæði samtíðina og gamlar siðvenjur. Fá vóru tey, ið dugdu at síggja virðið í filmsarbeiðinum hjá hesum ungu monnum. Teir verða roknaðir sum tveir originalar, ið heldur taka eitt filmstól enn ein sóknarongul við í grind. Í næstu sending um søgur handan filmskut úr Føroyskum søgum, sigur Uni Leitisstein Hansen søguna um 82 ára gamla Dánjal Jákup Mortensen og 78 ára gamla Jákup Andreas Arge, ið eru undangongumenn innan filmslist í Føroyum.

Á heysti 2015. Arbeiðið við at gera drotningini ein árstíðarurtagarð í Fredensborg Slotshave á Norðursælandi er í gongd. Verkætlanin fer fram í tøttum samstarvi við drotningina. Verkætlanarleiðari er landslagsarkitekturin Christine Waage Rasmussen. Dagarnir styttast, og nógv er eftir enn. Og veðrið er avgjørt ikki altíð til vildar heldur.
Sesong: 1
Partur: 2.
Framl. ár: 2016
Framl.: BytheBuch
Framl. fyri: TV 2 DK

Eftir tvey ár við heimsfarsótt ferðast kongafamiljan aftur. Vit síggja m.a. kongshjúnini á Abba-premieru í London.

Danmark sum kongaríki er enn ungt og sárbart, og seinastu víkingarnir búgva framvegis í landinum. Stórmenninir hava framvegis stórt vald, og teir velja kong. Men sum frá líður fær kirkjan meira og meira ávirkan, og kirkjan og krúnan fara so við og við at ganga hond í hond. Men tíðin er merkt av ruðuleika, kapping og enntá borgarakríggi, og kongarnir gjørdu stórt sæð ikki annað enn at kríggjast og enntá myrða hvønn annan í tráan eftir kongsvaldinum.
Vertur: Peter Ingemann.
Partur: 2.
Framl. ár: 2021
Framl.: Heartland
Framl. fyri: TV 2 Dk.

Ole Henriksen er á danmarkarferðini komin til Fyn og ævintýrbýin Odense. Ole er H.C. Andersen- fjeppari, og hann gleðir seg til at stíga í fótasporini hjá rithøvundinum. Og harafturat gongur ein barnadreymur hjá honum út!
Framl.: LaudPeople
Framl. fyri: TV 2 DANMARK
Framl.ár: 2019

Tá nátt og dagur eru eins ljós, hendir nakað við okkum. Birgitte elskar at fiska á Skjervøy um náttina.

Fagnaðarkonsert til heiðurs fyri
Jens Paula Heinesen á 90 ára føðingardegnum.

Leygarkvøldið 12. november 2022 var stór fagnaðar- og útgávukonsert í Norðurlandahúsinum, sum Elin Brimheim Heinesen skipaði fyri til heiðurs fyri pápa sín, Jens Paula Heinesen á 90 ára føðingardegi hansara. Á skránni vóru seks tónlistaverk, sum Elin hevur skrivað til yrkingar hjá pápanum, har av fimm vóru frumframførd, nevniliga løgini Sóleyan lýsir um fløtur, sum kom út sum staklag í 2021, umframt fýra spildurnýggj løg: Flóttin, Eg gangi við einum djúpi, Heystnáttin og Sorgin er vøkur við. Hesi fimm løgini vóru sett út fyri symfoniorkestur av italska tónaskaldinum Enzo De Rosa, sum sjálvur kom til Føroya at spæla flygil á konsertini. Endað var við lagnum Eitt dýpi av dýrari tíð, útsett fyri symfoniorkestur av danska tónaskaldinum Søren Hylgdgaard sála. Føroya Symfoniorkestur spældi, stjórnað av Bernharði Wilkinson, saman við kórunum Tarira og Tórshavnar Manskóri, meðan Elin Brimheim Heinesen sjálv var sangsolistur.

Millum framførslurnar av tónlistaverkunum hevði verturin Suni Merkisstein samrøður við ymisk fólk um Jens Paula Heinesen og skaldskap hansara, m.a. Hanus Kamban, Sonna Smith, Anniku Hoydal, Unn Paturson, Bárð Persson og Gullu Øregaard. Rithøvundafelagið fagnaði høvundanum við framløgu eftir Berg Rasmussen. Harumframt las Páll Danielsen brot úr skaldskapi hjá Jens Paula Heinesen.

Elin Brimheim Heinesen sigur soleiðis um tiltakið: ?Pápi skrivaði tíverri sera fáar yrkingar, men tær, sum hann skrivaði, haldi eg, hava uppiborið at verða tiknar fram. Honum dámdi avbera væl klassiskan tónleik. Tí helt eg, tað var hóskandi at hátíðarhalda 90-ára føðingardagin hjá honum við framførslu av seks løgum, sum eg havi tónasett til yrkingar hjá honum og fingið útsett til klassiskt íblástan symfoniskan tónleik.?

Útseting fyri symfoniorkestur og kór: Enzo De Rosa, 2022.

Summarið nærkast, og nógv gleða seg til feriur í suðurlondum. Men hjá teimum, ið ikki ætla sær so langa leið í summar, er ein rúgva av tingum, mann kann uppliva í Føroyum. Gongutúrar í haganum, tjalding ella sílaveiða kann vera minst líka minnisríkt fyri børnini sum túrar til Mallorca. Tað týdningarmesta er at uppliva okkurt saman. Afturat tí er útilívið gott fyri bæði kropp og sinn. Men hvussu ger man? Hvat skal til, og hvar fer man? Hetta er sjálvandi ikki so lætt at byrja við, men í trimum sendingum fara vit at vísa á ymiskar mátar at njóta útilívið.

Langt frá alfaravegi.
Fólkið svøltar og hungrar eftir mati. Tey eru komin til tveir vegir og noyðast at velja annan. Shamani ivast í, hvønn veg tey skulu fara. Men Enyo velur annan vegin, og Hunga lurtar eftir honum, og tey halda fram. Men tá Odina dettur niður í avgrundina beint í spískamarið hjá teimum ræðuligu vrendunum, tykist tað sum Enyo hevur valt púra skeivt.

2. partur - Systrarnar báðar - Jørðin og Mars.
Tíðliga í søguni um klóturnar var ein vøkur vatnverð til, ein oasa av vón í annars lívssøra alheiminum. Men hetta var ikki jørðin - hetta var hin unga Mars. Brian Cox professari heldur ferðina fram í sólskipanini og avdúkar, at einaferð var ikki bert hin eina men tvær bláar klótur. Í fleiri milliónir ár var hav á tokufjaldu Mars. Um hetta mundið var nógv minni liviligt her á jørðini. Í dag
er Mars ein oyðin verð, men einaferð hevði hon sama potentiali sum jørðin. Tí kunnu vit spyrja stóra spurningin: spretti lív á báðum klótunum? Í leitanini eftir svari eru ætlanir um at seta fólk á reyðu gongustjørnuna.

Listakvinnan Bergithe Johannessen (1905-1995) var eitt undangongufólk bæði sum listafólk og kvinna. Sum fyrsti føroyingur nakrantíð fekk hon eina akademiska, altjóða listaútbúgving. Einans 17 ára gomul bleiv hon í 1923 upptikin á Sidcup School of Art í London, og í 1925 slapp hon inn á listaakademiið í Keypmannahavn.

Hennara listaligu avrik telja hundraðtals málningar: Serliga vatnlitsmálningar, ið avmynda føroysku náttúruna. Nógvir eru í dag at finna í ymsum føroyskum og donskum heimum. Listasavn Føroya eigur 11 verk eftir Bergithe Johannessen í samlingini ? 10 vatnlitsmálningar og ein oljumálning.

Men hvør var henda listakvinnan? Gjøgnum samrøður við føroyskar serfrøðingar, umframt kenningar og skyldfólk hjá listakvinnuni, sigur heimildarfilmurin ?Summargesturin? søguna um eina sjáldsama kvinnu, sum breyt við normarnar og forðingarnar í sínari samtíð. Filmurin vísur somuleiðis eina rúgvu av málningum og myndum eftir Bergithe Johannessen, sum filmsliðið hevur funnið fram hjá privatum eigarum í Føroyum og Danmark.

Tað er Thin Green Line Productions, ið hevur framleitt filmin. Filmurin stuðlaður av Mentanargrunni Landsins og Statens Kunstfond.

?Floymandi nærvera? er partur av 40-ára føðingardagsfagnaðinum hjá Symfoniorkestrinum og Norðurlandahúsinum, sum varð í Norðurlandahúsinum 10. og 11. februar 2023.

Í sambandi við konsertina framleiðir forlagið Sprotin eina serliga skrá. Skráin rúmar forteljing um sangskrivaran og tónleikararan Hans Marius Ziska og um teksthøvundin Hans Jacob Kollslíð. Tekstirnir hjá Hans Jacob Kollslíð eru at finna í skránni, og eisini eru løg við nótum og akkordum hjá Marius Ziska.

Atli K. Petersen, Magnus Johannesen og Tróndur Bogason hava útsett tónleikin hjá Mariusi Ziska fyri symfoniorkestur. Teir eru allir arrangørar við hollum royndum og teljast millum teir bestu, vit eiga.

Danin Kent Olsen ljóðblandar hesar tónleikaverðir. Umframt, at Kent er fastur ljóðmaður hjá Mariusi Ziska, tá teir spæla í Danmark, so hevur hann drúgvar royndir at gera ljóð í samansjóðingini av rútmiskum og klassiskum orkestrum.

Súni Joensen er ljóssniðgevi, og ljósparturin er sniðgivin niður í minstu detalju eins og alt annað á konsertini.

Bernharður Wilkinson stjórnar orkestrunum.

Ein syrgjandi mamma fer út í fjøllini at ganga, uttan ætlan um at koma aftur, men tá hon óvæntað hittir eina gamla, gátuføra postkonu, fær lív hennara eina øðrvísi leið.

Handanland var fráfaringarfilmur hjá Barbaru Lervig á filmskúlanum Northern Film School í Leeds. Hann vann Geytagreipuna í 2021 og aftan á tvey ár á festivalumferð er hann komin heim aftur og verður vístur í Kringvarpinum, har ferðin byrjaði fyri tveimum árum síðani.

Kringvarpið sendi beinleiðis frá 1. umfari av tónleikakappingini Sement í gjárkvøldið á Reinsarínum í Havn. Seks bólkar og einstaklingar kappast. Ungdómstoymið Biit stendur fyri framleiðsluni.

Biit-toymið stendur fyri øllum. Tað merkir, at alt frá vertum til kamerafólk og framleiðara eru ung fólk, sum eru knýtt at ungdómstoyminum.