Skrá Sjón

Heimafimleikur við Sofia Åhman.
Core venjingar.

Tann gátuføri dalurin.
Doodjiar eru úti og veiða gleffar, men enda í einum avbyrgdum dali. Har er okkurt farið heilt av lagi, tí har vaksa nakrar plantur, sum eta alt livandi, ið kemur framvið, eisini veiðumenninar. Enyo, Ito og Agaya finna út av, at planturnar eru samanbundnar í rótini og royna at finna og gera av við móðurplantuna og endurskapa javnvágina í dalinum og bjarga doodjiarum.

Í barnarøðini Morsa fer Elisabeth á Bakka at vísa ymiska hárseting. Og vit vísa fleiri partar av nýggju bretsku barnarøðina Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen og Elin Dagbjartsdóttir.
Klipt: Sólfríð Maria í Rók.

Lagt til rættis: Elin á Rógvi og Jonna F. Mortensen.

Aftur í dag heldur vindurin fiskimonnunum á landi.
Vit hitta luttakarar, ið eru á kitesurfing, onnur eru farin skógtúr at eta tartelettir og onkur fer at svimja. Peter Tanev fer havnarundferð við einum av teimum sjálvbodnu, ið fyrstu ferð er siglitúr í havnini, har hon býr.

Vertur: Peter Tanev.

Arkitekturin Bob (David Duchovny) hevur fyri stuttum síðan mist konuna og er nú sera varin yvir fyri búnum kvinnum. Hann verður tó lokkaður á "blind date" og hittir eina kvinnu, hann fellur fyri, tað er tó ikki hon, hann hevði avtalu við. Men hann fær onkursvegna eina avtalu í lag við hina - Grace (Minnie Driver)! Tíverri dylur Grace eitt stórt loyndarmál, sum kann hótta kærleikan teirra millum.
Leikandi: Bob Rueland: David Duchovny, Grace Briggs: Minnie Driver og Joe Dayton: James Belushi.
Við eru eisini: Megan Dayton: Bonnie Hunt. Marty OReilly: Carroll O´Connor. Angelo Pardipillo: Robert Loggia. Elizabeth Rueland: Joely Richardson. Dickinson. Reggie Kane: Andre Brauger
handrit: Bonnie Hunt, Don Lake, Andrew Stern og Samantha Goodman.
Leikstj.: Bonnie Hunt.
Upprh.: Return to Me
Framl.ár: 2000

Tað er í árinum 2074, og ferðing í tíð er uppfunnin. Tað ger tað lættari hjá mafiuni at sleppa av við offur. Tey verða send 30 ár aftur í tíðina, har ein leigumordari bíðar. Men knútar koma í tíðarsloyfuna, tá framtíðar -Joe hittir sítt yngra eg og lumpar skipanina.
Upprunah.: Looper
Framl. ár: 2012
Aldursmark: 15