Skrá Sjón

Í barnarøðini Morsa fer Elisabeth á Bakka at vísa ymiska hárseting. Og vit vísa fleiri partar av nýggju bretsku barnarøðina Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen og Elin Dagbjartsdóttir.
Klipt: Sólfríð Maria í Rók.

Lagt til rættis: Elin á Rógvi og Jonna F. Mortensen.

Pannukøku lagkøka.
Findus hevur føðingardag, og Pettson skal gera pannukøku lagkøku, men tað verður ikki so lætt hesaferð, sum hann hevði væntað. Har kemur alt millum himmal og jørð í vegin, millum annað tann illi tarvurin hjá Gustavsson.

Tey fýra pørini, sum nú eru eftir, skulu úr Antigua í Guatemala til Panama City. Á leiðini skulu tey fara um heili fimm lond. Tað verður ein long ferð full av avbjóðingum, spennandi hotellvitjanum og góðum upplivingum.
Sesong: 3.
Partur 4.
Framl.ár: 2023
Framl.: Strong Productions
Framl. fyri: TV 2 DK

Hvussu kennist tað at verða avdúkaður í ótrúskapi í brævi, sum konan fær frá ókendum sendara? Ber tað til at vera ótrúgvur alt lívið? Og hvussu handfara samfelag og kirkja ta tvístøðuna, at ótrúskapur fer fram ofta og alla tíðina, men er tabu, og at einans trý prosent av danskarum halda ótrúskapur kann góðtakast? Í trimum sendingum hevur Flemming Pless prestur sett trimum fólkum stevnu, tey hava øll skapt sorg og vreiði hjá teimum allarnærmastu, tí tey hava verið ótrúgv. Hann vil kanna, um orðini í kristindóminum um freisting, synd og fyrigeving geva meining hjá teimum, sum ikki hava hildið sætta boð - tú mást ikki dríva hor.

Hernaðarflogskiparin GER verður sendur til sína fyrstu hørðu uppgávu. Hann skal hjálpa baltisku londunum at tryggja loftrúmið. Á skúlanum skulu næmingarnir til ´solocheck´ fyri at kunna halda fram.
Partur: 2.
Framl.ár: 2021
Framl.: STV Productions A/S
Framl. fyri: TV 2 DK

Anna er fangað í eini óndari ringrás av rúsmisnýtslu. Eftir at vera neyðtikin verður Anna innløgd á afturlatna deild fyri fólk við sinnissjúku. Men hon hevur ikki kenslu av, at hon verður tikin í álvara, ella at tey skilja, hvat skal til, fyri at hjálpa sjúklingum við bæði misnýtslu og sálarløstum.
Partur: 2.
Framl.ár: 2023
Framl.: IMPACT A/S
Framl. fyri: TV 2 DK
Aldursmark:15