Skrá Sjón

Kom við á ferð í føroysku fjøllunum og náttúruni saman við Jens Jákupi Hansen, fotografi í Kringvarpinum.
Hesa ferð gongur leiðin úr Syðradali á Streymoynni til Norðradals.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa-Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgun.

Sonja drotning vísir runt á vakre Bygdøy kongsgarði.
Siðvenja hjá norsku kongafamiljuni 17.mai og tann einastandandi urtagarðurin í kongsgarði.

Ulf Pilgaard er prestasonur, og ætlanin var, at hann skuldi tann vegin. So var ikki. Hann gavst við gudfrøðilesnaðinum og gjørdist sjónleikari av guds náði. Leiðin var stundum heldur tilvildarlig - og hepni var við. Men Ulf skaraði framúr!

Føroyska landsstýrið fær sum vátan vøttin á fyrsta fullveldisfundinum við donsku stjórnina í Keypmannahavn í mars 2000. Danska stjórnin leggur nú meinbogar í vegin fyri føroysku ætlanunum. Skiftistíðin skal vera so stutt, at føroyingar fara at himprast at atkvøða fyri fullveldisætlanini á einari fólkaatkvøðu. Landsstýrið og danska stjórnin samráðast við jøvnum millumbili, men langt er millum partarnar. Fýra fundir eru í alt í 2000 - allir í Keypmannahavn. Eingin semja fæst, og til endans slitnar. Nú stendur á í fullvedissamgonguni. Ósemja er innanhýsis um kósina. Tað tekur at losna millum stóru flokkarnar í samgonguni - Fólkaflokkin og Tjóðveldisflokkin. Annar sýtur at víkja frá upprunaligu stevnuni, hin talar fyri eini hóvligari kós. Tað stendur til at bresta, men til endans ganga teir saman aftur. Neyðsemjan ber í sær, at farast skal undir eina skipaða yvirtøkuætlan - heimastýrislógin skal tømast. Men brátt taka onnur, myrk skýggj seg upp á luftini, og nú býðist ikki bøtur hjá fullveldissamgonguni. Føgru hugsjónirnar um einar frælsar Føroyar syndrast so líðandi. Og tá ið danska kongshúsið í 2005 vitjar í Føroyum er alt aftur, sum tað plagdi at vera. Niðurstøðan hjá føroyingum tykist vera sum hjá Rasmusi Effersøe í 1895: best man vera sum er.

Suni Merkistein og Jógvan Eli Dam leggja til rættis

Brøðurnir Price eru farnir í kilt! Fimti partur fer fram í bergtakandi Skotlandi. Morgunmatin gera teir uttandura í The Highlands, miðmála við Loch Ness og tann stóra veiðudøgurðan eta tey á einum stórum skotskum slotti. Ávaring: Millionaires Shortbread er við í hesi sendingini. Ein ´hættisliga´ góð kaka!

Fimm sjálvboðin hava játtað at eta klænkimat í tríggjar vikur, men fyrst kannar Michael Mosley dr. heilsuna hjá teimum. Hvussu hevur korona ávirkað?
Upprunah.: Lose A Stone in 21 Days
1. partur
Framl. ár: 2020

Snork kann vera alt frá imponerandi til beinleiðis irriterandi, og vit kenna øll onkran, sum snorkar, ella gera vit tað kanska sjálv. Uml. fimtihvør dani snorkar. Ein er journalisturin Oliver Zahle, sum unnustan mangan sendur út á sofuna at leggja seg. Men nú ætlar Oliver sær at gevast at snorka. Hann vil hava greiðu á, um tað er vandamikið at snorka? Hvussu skaðiligt er tað fyri parlagið, um kvinnur snorka og sjálvandi... Finna grovasta snorkaran í Danmark!