Skrá Sjón

Alheimsfarsóttir, kríggj og akselerandi umhvørvisbroytingar hótta mannaættina. Vit hitta framtíðargranskarar, umhvørvisaktivistar, vanlukkustúrarar(preppers), gudfrøðingar og trúgvandi
tosa um stúranir, vónir og fakta í hóttandi framtíðini. Í fyrsta parti hittir programmleiðarin Anna Lindman Ell og Isabelle, sum eru umhvørvisaktivistar og Holger, sum sær tekin um Jesu afturkomu.

Fyri 30 árum síðan fullu Berlinmúrurin og Jarntjaldið, og nú vitjar Peter Ingemann nøkur støð og nøkur fólk, sum fingu avgerandi leiklut. Í fyrsta parti vitjar hann Berlin, Moskva og Ukraine, hann fer til Tjernobyl og spøkilsisbýin Pripyat. Her sprongdist ein reaktorur á kjarnorkuverkinum. Hetta kostaði mannalív og fleiri hundrað túsund máttu flýggja, men tað noyddi stýrið í Moskva, sum annars var sera afturlatið, at lata upp og fáa glið á broytingar og at seta kós móti demokratii.
Framl.: Heartland
Framl. fyri: TV 2 DK
Framl. ár: 2019

Brádliga setti løgreglan ljóskastaran á ein at síggja til púra vanligan 32 ára gamlan mann, tí hann var illtonktur fyri at hava framt ógvislig brotsverk sum at hava burturflutt, neyðtikið og dripið Emilie Meng. Dokumentarsendingin er um málið, sum skelkaði Danmark. Maðurin er ikki dømdur enn, men hvør er hann? Og um hann er gerningsmaðurin aftan fyri fleiri brotsverk, hví er hann so ikki steðgaður fyrr?
Vertur: Ida Marie Lomholt Wismann.
Framl.ár: 2023
Framl.: TV 2 DANMARK
Aldursmark: 15

Í Danmark ber til at fáa flottar og sunnar tenn, um ráðini eru at gjalda tannlæknarokningina, men tey fátækastu í landinum dragast við tannsjúkur og manglandi tenn. Saman við Lisbeth Zornig Andersen koma vit trimum danskarum nærri. Vánaligar tenn ávirka teirra lívsvirði, familju og sjálvsvirði.
Vertur: Lisbeth Zornig Andersen.
Framl. ár: 2022
Framl.: Koncern TV- og Filmproduktion ApS
Framl. fyri: TV 2 DANMARK

Fyri at bjarga familjuni ger Morteza úr Afghanistan seg ómissandi á eini verksmiðju. Í Skåne vil ein einlig mamma at trimum, Mirfat, vísa allari verðini, at hon klárar seg sjálv.
Í túsund dagar fylgja vit trimum familjum, sum komu til Svøríkis sum flóttafólk í 2015.