Skrá Sjón

Ovi Brim, prestur, prædikar.

Beinleiðis sending av Vaglinum í Havn við innsløgum og gestum í studio. Vit eru úti á gøtunum og lodda dýpið, hitta fólk og práta um leyst og fast í sambandi við ólavsøkuna. Vístur verður samandráttur av ólavsøkusetanini og kappróðrinum.
Sendingin verður endursend ólavsøkudag.

At Føroyar hava vunnið sær rættin til egið flagg, er ikki komið av sær sjálvum. Merkið varð sum kunnugt viðurkent sum alment føroyskt flagg í 1940, og seinni staðfest í Heimastýrislógini í 1948, men stríðið fyri flagginum var drúgt. Tað vóru føroyskir studentar í Keypmannahavn við Jens Olivur Lisberg á odda, sum tóku stig til flaggið. Føroyingar fingu beinanvegin tokka til studentaflaggið, og brátt varð veittrað við tí á fólkafundum í Føroyum. Men tað er ikki fyrr enn skipini fara at sigla við tí, at stríð tekur seg upp við donsku myndugleikarnar. Tað kemur til skarpskeringar Føroyar og Danmarkar ímillum eftir flagggøluna á Tingvøllum í Íslandi í 1930 og íkki minni á ólavsøku sama ár. Tá ið Seinni heimsbardagi brestur á og bretar herseta Føroyar, er flaggspurningurin vorðin brennandi heitur. Samstundis sum danskir og bretskir myndugleikar umrøða støðuna, fylkjast føroyingar í stórum um kravið at vinna flagginum viðurkenning. Søgan um flaggið er eisini søgan um studentaútisetar við romantiskum hugsjónum, um eljustríð og lagnur, um djarvar og stoltar sjómenn, um sjálvstýrisstríð og eina ríkisrættarliga støðu í hóttafalli.

Suni Merkistein og Hans Petur Hansen leggja til rættis.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Elias og L fyri lomb.
"Snipp snapp" er hvørt mikukvøld, hóskvøld, leygarkvøld og sunnumorgnar.

Olaf Haldansen hevur gjørt næstan 400 trappur í sínum 91 ára gamla lívi.
Í summar bað timburmaðurin Kristen Johansen hann um at hjálpa sær við at gera eina trappu afturat.
Hesin dokumentarurin fylgir tilgongdini, frá at trappan verður smíðað á verkstaðnum í Vestmanna, til hon verður sett upp í húsunum í Leynum.
Lagt til rættis: Finnur Koba.

?Floymandi nærvera? er partur av 40-ára føðingardagsfagnaðinum hjá Symfoniorkestrinum og Norðurlandahúsinum, sum varð í Norðurlandahúsinum 10. og 11. februar 2023.

Í sambandi við konsertina framleiðir forlagið Sprotin eina serliga skrá. Skráin rúmar forteljing um sangskrivaran og tónleikararan Hans Marius Ziska og um teksthøvundin Hans Jacob Kollslíð. Tekstirnir hjá Hans Jacob Kollslíð eru at finna í skránni, og eisini eru løg við nótum og akkordum hjá Marius Ziska.

Atli K. Petersen, Magnus Johannesen og Tróndur Bogason hava útsett tónleikin hjá Mariusi Ziska fyri symfoniorkestur. Teir eru allir arrangørar við hollum royndum og teljast millum teir bestu, vit eiga.

Danin Kent Olsen ljóðblandar hesar tónleikaverðir. Umframt, at Kent er fastur ljóðmaður hjá Mariusi Ziska, tá teir spæla í Danmark, so hevur hann drúgvar royndir at gera ljóð í samansjóðingini av rútmiskum og klassiskum orkestrum.

Súni Joensen er ljóssniðgevi, og ljósparturin er sniðgivin niður í minstu detalju eins og alt annað á konsertini.

Bernharður Wilkinson stjórnar orkestrunum.