Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sløkki Sam, Grísa Peppa og Uki.

"Snipp snapp" er hvørt mikukvøld, hóskvøld og um vikuskiftið.

Atljóða Alzheimersdagur er í dag, og fyri at halda dagin senda vit kenda filmin ´The Notebook´.
Allie og Noah eru ung og forelskað, men ríku foreldur hennara og seinni heimsbardagi gera tað trupult hjá teimum báðum. Men tey gloyma ikki hvønn annan, og sjey ár seinni førir lagnan tey saman aftur. Uppaftur fleiri ár seinni lesur ein maður søguna um kærleikan hjá Allie og Noah fyri eini eldri dementari konu á røktarheimi ...
Leikarar: Rachel McAdams, Ryan Gosling, Gena Rowlands og James Gardner.
Leikrit: Jan Sardi eftir skaldsøgu hjá Nicholas Sparks.
Leikstjórn: Nick Cassavetes.

27. august fylti listamaðurin Martin Joensen 70 ár, og í hesum sambandi skipaðu Vestmanna kommuna og Sprotin fyri fagnaðarløtu í Miðnámi í Vestmanna leygarkvøldið 26. august 2023. Tey, sum halda røðu, vóru: Bjørg á Rógvi, borgarstjóri, Sirið Stenberg, landsstýriskvinna í mentamálum, Jonhard Mikkelsen, vinmaður og stjóri á Sprotanum og Sunleif Rasmussen, tónaskald. Lena og Niclas, Vestmenn, Bárður á Lakjuni, Terje B. Vestergaard, Vestmanna sangkór og Eivør tulka Martin Joensen.

´Vuffeli-Vov´, ´Hvalen Hvalborg´, ´Stærk tobak´, ´Danmark´ og ´Den røde tråd´. Fáir danskir tónleikabólkar hava sum Shu-bi-dua samlað danskarar við landaplágum við sniðfundigum og stuttligum tekstum. Í 2023 eru 50 ár, síðan teir byrjaðu og tí samlast góð nøvn at fagna teimum. Nøvn: Ida Laurberg, Pauline og Danser med piger, Shaka Loveless, Anders Blichfeldt, Djämes Braun, Martin Brygmann, Hardinger Band og Birthe Kjær. Eisini satirutrioin PLATT-FORM er við.
Framl. ár: 2023
Framl.: BytheBuch