Skrá Sjón

Sofia Åhman skipar fyri heimafimleiki fyri SVT.
Hesa ferð verður dentur lagdur á vøddarnar í rygginum, lendunum og um búkin.

Einfaldar jogavenjingar, sum binda saman anding kropp og kenslu. Venjingarnar eru á gólvinum á eini jogamottu ella líknandi.

- Klumparnir eru útferð við Frøkun Plank. Kipp gerst vinur við ein eiturkopp og villist frá hinum, so tey mugu leita eftir honum.

Klumparnir eru lítil og fitt fólk, sum búgva í stóra Pippepla-trænum. Hóast tey altíð vilja øllum tað besta, gongur tað onkuntíð galið. Men alt er gott, sum endar gott. Og hjá klumpunum endar tað lukkutíð altíð gott.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sløkki Sam, Sára og Dunna og Surr og sig.

"Snipp snapp" er hvørt mikukvøld, hóskvøld og um vikuskiftið.

Í fyrru sendingini frá 2008 um føroysku rocklegenduna Robert Mcbirnie, ið varð endursend í gjár, hoyrdu vit m.a. um barna- og ungdómsár hansara, alskin til sjógvin og lærarayrkið, og ættarbond hansara til Onglands og Avstralia. Í hesi seinnu sendingini fara vit aftur um tónleikaran, skemtaran, yrkjaran og ítróttar- og familjumannin Robert.
Lagt sendingarnar til rættis hava Leivur Hansen og Bárður Veihe.

Bæði hjá Sannu og Carsten er dagurin komin, tá biðlarnir skulu flyta inn, og tey bæði eru spent at vita, hvussu henda vikan fer at ganga. Hjá Jens koma vinir til døgurða og at heilsa upp á Winnie og Annu. Gustav hevur okkurt óvæntað í skjáttuni, nú tey skulu síggjast, og hann er spentur at vita, hvat kvinnurnar halda um tað.
Sesong: 10
Partur: 8
Framl.ár: 2023
Framl. : Blu
Framl.: TV 2 DANMARK

Íbúðin í Kastrup er sum eitt tætt pakkað forngripasavn við minnum frá øllum lívinum. Men um Inger-Mitte skal hava pláss bæði at dansa við unnustanum og at ommubørnini koma at vitja, so má hon sleppa sær av við fortíðina.
Sesong: 2.
Partur: 3.
Framl.ár: 2023
Framl.: Strong Productions
Framl. fyri : TV 2 DANMARK

Lina droymir um eini stór funkishús, og tað skal vera eitt sindur av Miami-dámi yvir teimum, og so skal rúm vera fyri stórum palestinskum familjudøgurða. Hjá Sanne og Casper fylla synirnir alt, og fokus hjá teimum er eitt trygt heim.

Vinirnir eru farnir til Andalusien at leita eftir besta tapas og besta flamenco. Teir selja eisini skeljadjór í Malaga og gera royndir við Paella í Ronda.
Upprunah.: Gordon, Gino og Fred på tur
Partur: 1.
Framl.ár: 2023

Í 12 ár hava tvey húski búð í Stóru Dímun og fýra vaksin fólk hava verið felags um arbeiðið á garðinum. Men síðani í fjørheyst hava bóndahjúnini Eva úr Dímun og Jógvan Jón Petersen verið einsamøll og gjørt alt tað dagliga arbeiðið í oynni. Beiggi Evu, Janus úr Dímun og konan Erla og tey trý børnini, eru nú flutt til heimbygdina hjá Erlu, Vestmanna, at búgva.

Eva og Jógvan Jón trívast framvegis líka væl í oynni, og fyri tey er arbeiðsuppgávan á garðinum enn líka spennandi. Tey hava tó lagað virksemið á garðinum eftir, at tey nú eru tvey ístaðin fyri fýra vaksin fólk at gera arbeiðið.

Í tveimum sjónvarpssendingum fylgja vit teimum báðum í dagliga arbeiðnum. Hvønn dag eru tey í gongd við ymsar uppgávur, og tey leggja arbeiðið til rættis eftir veðrinum. Vit síggja m.a., tá tarvkálvarnir verða dripnir, og vit eru við í ymsum øðrum uppgávum. Seyðurin er høvuðsvinnan á garðinum, men tey hava eisini mairøtur og annan vøkstur, og tey eru nú farin undir eina nýggja og spennandi verkætlan at gera rabarbubryggj.

Um heystið, tá fjøllini verða gingin og flettingin fer fram, og til aðrar størri uppgávur, koma familja og vinir út at hjálpa bóndafólkunum.

Dóttirin Døgg er viðhvørt úti í oynni og hjálpir foreldrunum. Hon er tað eldra av børnunum, og hon sigur, at tað kann væl hugsast, at hon ein dag fer at festa garðin í Stóru Dímun.

Eva og Jógvan Jón hava búð fast í Stóru Dímun í 20 ár, og Eva tók við festinum eftir pápan Óla Jákup 1. oktober í 2011. Hon er 8. ættarlið á garðinum. Jógvan Jón røkir el-verkið hjá SEV í oynni og er eisini avgreiðslumaður hjá tyrluni og hevur ábyrgdina av vitanum.

Lagt til rættis: Tórður Mikkelsen.

Í februar 2023 setti Jens Jákup Hansen sær fyri at ganga upp á hægsta fjall í Afrika. Toppurin á Kilimanjaro er 5895 metrar oman fyri vatnskorpuna.
Í januar 2024 ætlar Jens Jákup sær upp á Aconcagua, 6960 metrar, hægsta fjall uttan fyri Himmalaja, og toppurin á Afrika er venjing til túrin.
Tað er ikki uttan orsøk, at Jens Jákup gongur hesar avbjóðandi túrarnar, Jens Jákup hevur ADHD og trupult við at vera í friði, truplir túrar og avbjóðingar eru sum heilivágur hjá honum. Fyri at seta fokus á ADHD hevur hann átakið "Hin Rusuti", sum við filmum, fyrilestrum og skriving á sosialum miðlum, skal fremja tilvit um ADHD.
Við á túrinum er Gundur Mortensen, teir kennast frá fjallabjargarunum og eru vinir.
Í sendingini síggja vit, hvussu gongst á ofta truplu royndini at náa toppin á Afrika.