Skrá Sjón

Sankta Lusia.
Orð og lag: Sólfríð Maria í Rók
Teknað og klipt: Charlotta Ingolfsdóttir, Animations
Tónleikaframleiðsla: Símun Dam
Frásøgusangur: Bjarta Ásbjørnsdóttir Berthelsen
Lusiarødd: Eyðbjørg Reynslág
Kór: Katrin á Borg Johannesen
Ljóðeffektir: Sámal Jákup Jacobsen
Málslig viðgerð: Ingmar Mikkelsen
Samskipað: Sólfríð Maria í Rók
Framl.: Spírar

Gabriella uppdagar, at Eilin og Lobelia hava lumpað hana, so hon má finna ein máta at rýma.

Verri og verri gongur við leikhúsinum. Tað sær út sum ætlanirnar hjá Eilin fara at eydnast.

Marius DC fyrireikar seg til stóru konsertina í Voxbotn. Vit fylgja honum í fyrireikingunum vikuna áðrenn konsertina, sum endar hálvlunkað. Tað vísir seg tó, at spælingin bert verður upphiting til eina ógloymandi konsertuppliving seinni um kvøldið, tá ungi rapparin sleppur upp á pall við eini stórari fyrimynd.
Petur Sigurð í Króki hevur filmað og lagt til rættis.

Frits Johannesen kennir seg sum fuglfirðing við stóra F. Tað er við bygdini sum karmi, at hann støðugt hevur ment seg sum listamann og kórleiðara. Í sendingini hoyra vit Frits greiða frá um uppvøkstur og árunum sum lærari. Somuleiðis uppliva vit hann sum kórleiðara og listamann. Alla tíðina í samljóði við bygdina, og í einum orðaskifti um hvørjar ríkar møguleikar, ið bygdarlívið rúmar.
Lagt til rættis: Ivan Hentze Niclasen.
Upptøkur og klipt: Hans Petur Hansen.

13 ára gamli Mikas hevur ikki nógv álit á sær sjálvum, og fer hann somu leið sum beiggin, kann hann enda í rúsevnismisnýtslu og kriminaliteti. Elias skulkar í skúlanum. Og ein nýggjur næmingur, Aksel, kemur inn. Teir ganga allir í einum lítlum dagviðgerðarskúla í Keypmannahavn. Og tað, tey vaksnu duga og gera, kunnu øll, sum kenna børn, fáa gagn av.

Kennie og Stine Sara hava báðar Tourettes syndrom. Men hóast tær eru eitt sindur kendar í Danmark, so er gerandisdagurin eitt sindur torførari hjá teimum enn hjá flest øðrum. Í trimum pørtum bjóða tær okkum at síggja, hvussu gerandisdagurin hjá teimum er. Hvørjar eru tær aftan fyri tey óhóskandi banniorðini og herðindini?
Sesong: 1.
Partur: 1.
Framl. ár: 2023
Framl.: Monday Media
Framl. fyri: TV 2 DANMARK

Tá sjómaðurin Ville Karlsson doyr, sigur svenska familja hansara nei takk til út við 2 mió. krónur í arvi. Í staðin taka Kattis Ahlström og Niklas Källner á seg at royna at finna rætta arvingin, ókenda abbabarnið í Írlandi.