Skrá Sjón

Dreymar gerast veruleiki í hesi sendingini frá Channel 4 í Onglandi, tá nakrir av dugnaligastu kondittarum gera kakur av serligum slag til krevjandi kundar á jólum.

Upprunaheiti: Extreme Cake Makers Christmas Special. Framl.ár: 2018.

Jólaaftan er hæddarpunktið á øllum jólafyrireikingunum. Heima hjá Claus Dalby verða jólini klædd í appilsingult og eitt sindur av reyðum. Jólaborðið verður prýtt við tulipanum, filigranntrøum,granateplum, kumquarts og gulltráði. Á jólatrænum eru sjálvandi livandi ljós, men hygg hvussu væl tað riggar við bikarljósum.
Lagt til rættis: Pia Kjeldsen

3D stutt teknifilm um Kópakonuna.
Filmurin hevur enska talu og føroyskan tekst.

Rói Davidsen hevur gjørt 3D teknifilmin.

Marius DC fyrireikar seg til stóru konsertina í Voxbotn. Vit fylgja honum í fyrireikingunum vikuna áðrenn konsertina, sum endar hálvlunkað. Tað vísir seg tó, at spælingin bert verður upphiting til eina ógloymandi konsertuppliving seinni um kvøldið, tá ungi rapparin sleppur upp á pall við eini stórari fyrimynd.
Petur Sigurð í Króki hevur filmað og lagt til rættis.

Fyrstu ferð bjóðar Søren til jólahugna og jólafyrireikingar í urtagarðinum í Thise. Her ger hann jólakúlu úr náttúruni, heystar reyðkál, pyntar í garðinum og ger klárt til árliga jólabaðið, sum sjálvandi verður í garðinum. Og so fær Søren nógv at vita um ymisk sløg av jólatrøum, tá hann vitjar eina viðarlund við jólatrøum.

Jólaevangeliið.
Orð og lag: Sólfríð Maria í Rók
Teknað og klipt: Charlotta Ingolfsdóttir, Animations
Tónleikaframleiðsla: Símun Dam
Frásøgusangur: Bjarta Ásbjørnsdóttir Berthelsen
Røddir:
Eingil: Jónfinn Stenberg
Maria: Eyðbjørg Reynslág, Jósef: Hallur í Rók
Augustus keisari: Jákup Justinussen
Heródes kongur: Jens Jákup Hansen
Høvuðspresturin: Jákup Justinussen
Ljóðeffektir: Sámal Jákup Jakobsen
Gudfrøðilig viðgerð: Armgarð Arge
Málslig viðgerð: Ingmar Mikkelsen
Samskipað: Sólfríð Maria í Rók
Framleiðsla: Spírar

Leikhúsbørnini hava sovið hjá Luka í nátt, tey bíða, til løgreglan gevst at leita eftir teimum.

Nú eru tríggir dagar til jóla, og leikhúsið eigur ongar pengar at gjalda húsaleigu fyri. Jóhanna hevur mist mótið.

Fleskasteik, brún feit sós og nýrur í brævbjálva. Tað er nakað, sum Tróndur og Kári fara at borðreiða við í Foytum greyðum hesa ferð. Eisini koma teir við góðum boðum, hvussu ein kann brúka matrestir frá jólunum til døgurða, triðja ella fjórða jóladag.

Vertir eru Tróndur Vatnhamar og Kári Sólstein. Jónfinn Stenberg hevur tikið upp og sett saman.

?Tunnan? - drama, ið byggir á veruliga hending.
Fýra mans, Jógvan, Jóhan, Símun og Niklas, finna eina rekatunnu við sjóvarmálan á bygd í Føroyum. Og meðan myrkrið sígur um bygdina, royna teir so ljóðliga sum til ber at fáa tunnuna til høldar uppi í kjallaranum hjá Símuni, uttan at aðrir tystir bygdamenn fáa snevilin av tí. - Um spritt er í tunnuni, so er hetta ikki smávegis fongur, sum teir nú eisamallir eiga. Niðankomnir, verður káta lagið í kjallaranum tó skjótt køvt, tá spurnartekin verður sett við hvørs løgurin í tunnuni, heldur enn at vera dýrur drammur, møguliga eisini kann hugsast at vera vandamikið træspritt. Nú byrjar ein togtogan teirra millum um at lata innihaldið kanna, og harvið seta loynidómin um tunnuna í váða, ella um teir bert skulu vága at velja ein teirra at gera eina smakkiroynd her og nú. Tvídrátturin gerst ei heldur lættari av, at Símun eisini verður noyddur at slætta sjógv hjá konuni uppi í køkinum, sum nógv heldur vil hava hann at vera um familjuna, har størri tørvur er á honum.

VER HER hugleiðir um ta avgerandi løtuna, tá tvey menniskju fara hvør til sítt. Ein søga um at møtast í skilnaðinum. Um einsemi í tveyseminum. Ein kærleikssøga um at deila, fáa, missa, ivast, vilja og ikki vilja hvønn annan.

Hetta er ein løtumynd av einum pari, har tvey fólk hittast og fara. Ein mynd á, at tvey kunnu væl vera góð við hvønn annan, men tó ikki góð fyri hvønn annan. Men hvussu fara vit hvør til sítt? Hvat við øllum minnunum? Hvat er mítt? Hvat er títt? Skulu vit royna eina seinastu ferð? Nær er nokk?

13 ára gamli Kennedy hevur aldri gingið til fótbólt, men hóast tað kann mann saktans droyma um einaferð at fara at spæla við Barcelona. Aksel er fyri stuttum farin í skúla, hann hevur ikki stórt álit á, at tað fer at gangast væl. Teir ganga báðir í dagviðgerðarskúla í Keypmannahavn. Og tað, tey vaksnu duga og gera, kunnu øll, sum kenna børn, fáa gagn av.

Hábrøgd og Tourette syndrom hava leingi verið ein undirhaldandi fylgisveinur, men Stine Sara og Kennie merkja nú av ávara avmarkingarnar, tí viðhvørt er ikki nógv at flenna at. Men so royna tey ein undurkur.
Sesong: 1.
Partur: 2.
Framl. ár: 2023
Framl.: Monday Media
Framl. fyri: TV 2 DANMARK

Tveir ókendir italskir brøður, Aldo og Dante Casnici, koma til Svøríkis í 1948 at arbeiða. Í viðføri hava teir minnini um kríggið og fascismuna. Kattis Ahlström og Niklas Källner fylgja slóðini av ólíku lívsvalunum hjá beiggjunum og royna at finna tey, sum skulu arva 1,4 mió. kr. Eisini verður ein uppfylging av sendingini um ókenda lívið hjá blaðsølumanninum frá 2018.