Skrá Sjón

Skemtilig jólasýning við KORK og Fagottkórinum.
Broadway og kendir, kærir jólasangir.

Í 1823 varð fyrsta roynd gjørd at umseta Bíbliuna til føroyskt, men hon miseydnaðist. Hetta slóðaði tó fyri eini tilgongd, sum aldrin endar: Menningin av einum tíðarhóskandi føroyskum skriftmáli. Talan var um eitt týðandi arbeiði, tí móðurmálið gevur okkum serstøk amboð til at merkja og skilja heimin, sum vit liva í.
Carsten Fonsdal Mikkelsen fer aftur í tíðina og fylgir skiftandi ættarliðum og teirra stríði í at týða Bíbliuna til føroyskt. Hann ynskir at finna útav, hvussu tað gekk fyri seg, tá føroyskt langt um leingi varð innført í landsins kirkjum og samkomum.

Rituvíkar kirkja fyllir 150 ár.
Jógvan Fríðriksson, bispur og Meinhard Bjartalíð, prestur, prædika.

Í februar 2023 setti Jens Jákup Hansen sær fyri at ganga upp á hægsta fjall í Afrika. Jens Jákup førdi videodagbók á ferðini.

Síðsti partur á ferðini niðan á Kilimanjaro. Vit herja á kl. hálvgum eitt um náttina í myrkri og 25 kuldastigum við merkinum í ryggsekkinum.

Filmurin snýr seg um Mariu Guttesen, sum hvarv í 1966 sum 20 ára gomul. 50 ár seinni setur Agnas Petersen sær fyri at uppfylla dreymin hjá abba sínum - at finna útav hvat bleiv av Mariu.
Jákup Jacobsen, kendur rithøvundur í Evropa, var høvuðsmistonktur í málinum um horvnu Mariu, men prógv vórðu ongantíð funnin, ið kundu endaliga døma hann. Nýggjasta bók hansara er um ungar kvinnur, ið undir løgnum umstøðum hvørva.

Framl.: Pablo Merin

Ringur sjóverkur og viðkvæma sinnalagið gjørdu, at 86 ára gamli Arnhold Vegghamar ikki bleiv sjómaður, sum flestu javnaldrarnir á Viðareiði.

Og tað munnu mong vera glað fyri í dag, tí sermerktu og litríku málningarnir hjá Vegghamar eru ógviliga væl umtóktir millum fólk í øllum aldri.

Hann teknaði nógv frá barni av, og veturin 1958 -59 fekk hann fyrstu ferð listaliga vegleiðing á listaskúlanum, sum Ingálvur av Reyni, Jack Kampmann og Janus Kamban høvdu í Havn. Eftir tað fór hann til Danmarkar at læra til gullsmið.

Flestu javnaldrarnir á Viðareiði eru farnir, og tí kemur Vegghamar lítið út millum fólk. Men hann er djóravinur. Hann hevur havt kettur og hann gevur fuglunum at eta.

-Mær dámar best einsemi, at granska og at lesa bøkur, sigur 86 ára gamli Arnhold Vegghamar á Viðareiði, sum framvegis er virkin við penslinum.

Lagt til rættis: Jakob Jørgensen og Tórður Mikkelsen.

Í 1977 ferðaðist Egil Bakka í Føroyum og gjørdi filmsupptøkur av føroyskum dansi og dansispølum. Vit síggja hansara upptøkur við Eysturoyar dansifelagi frá Gøtugjógv og vit hoyra Sofus Foldbo og Andreu Opielka siga frá um upptøkurnar og um føroyskan dans og føroysk dansispøl í Eysturoynni.

Michael Mason (Richard Madden), ein amerikanskur lummatjóvur búsitandi í París, verður jagstraður av CIA, tá hann stjelur eina tasku, sum inniheldur annað enn bara ein pung. CIA-agenturin Sean Briar (Idris Elba), sum er settur til málið, sær skjótt, at Michael er ein fantastiskur møguleiki fyri at avdúka eina stóra samansvørjing!
Uppr.h.: Bastille Day
Við eru: Sean Briar: Idris Elba, Michael Mason: Richard Madden og Karen Dacre: Kelly Reilly. Við eru eisini: Zoe Naville: Charlotte Le Bon. Tom Luddy: Anatol Yusef. Rioter: Jorge Leon Martinez. Victor Gamieux: José Garcia. Handrit: Andrew Baldwin og James Watkins. Leikstj.: James Watkins.
Framl. ár: 2016
Aldursm.: 15