Skrá Sjón

Beinleiðis sending av Vaglinum í Havn við innsløgum og gestum í studio. Vit eru úti á gøtunum og lodda dýpið, hitta fólk og práta um leyst og fast í sambandi við ólavsøkuna. Vístur verður samandráttur av ólavsøkusetanini og kappróðrinum.
Sendingin verður endursend ólavsøkudag.

Hey! er ein sending um djór, fyri børn og barnsligar sálir, har Jensina er vertur og Ljóðfílurin tekur upp, sum vanligt. Tey eru úti, og uppliva mangt og hvat.

Um 1. part.
Í hesum partinum snýr tað seg um kettur. Vit vitja eini grøn hús, har nakrar heilt serligar kettur búgva, sum duga nakað sum fáar kettur duga. Tey vitja Eddi, og har er tónleikur á skránni. Jensina ger eisini eina kettu burturúr papptallerkum, sum kann brúkast á føstuklávint.

Dikka býr á Junifløtti saman við mammu og pápa og lítlusysti, Lisabet...og so Álvu, ikki minst.
Í grannahúsinum býr Affi, sum Dikku dámar so væl. Hann plagar at baka fyri pápan, sum heldur
vil drekka og hugsa enn arbeiða.

Falkaríma, Det er i nat en vågenat, Brúsajøkul, Ólavur Riddararós.

Hvílidagurin í basecamp gongur við kortspæli og talvi. Ein norskur bloggari, sum stríðist við internetsambandinum, viðgongur tó, at telefonleysa tilveran ikki er so galin kortini.
Verri gongst sjúka makkaranum, sum verður flogin úr leguni.
Komandi dagarnar skulu matur og tjøld berast frá basecamp til legu 1. Veðrið argar, og tað gera knøini og sinnið hjá hinum rusuta eisini.

Kvinnukórið Suð var á konsertferð í Keypmannahavn í august/september í fjør.

Kórið hevði konsert í Norðuratlantsbryggjuni, í Grundtvigskirkjuni og í Hans Egede kirkju, sum fleiri halda vera ein tann besta kirkjan í Keypmannahavn at syngja í.

Eftir hvørja konsert siga tríggir áhoyrarar frá síni uppliving.

Í Norðuratlantsbryggjuni práta tær við Andras Lómstein, tónleikara, Maria við Keldu, sum er áhugað í sangi og Evy á Lakjuni, tónleikara.

Í Hans Egede kirkjuni práta tær við Malin Zachariassen, sangskrivara og sangara. Ernst Sondum Dalsgarð, sangara og floytist og Chanette Patricia Fróðadóttir, sangáhugað.

Í sendingini hoyra vit Unnur S. Fonn, Súsannu Danielsen, Marthu H. Mýri, Tóru og Gunvá við Keldu og Steinvør Fonn, tær siga, hvussu tað er at syngja í Suð, og hvat sangur ger við okkum.

Páll Sólstein vísti kórinum Suð runt á Kongliga Kapellinum, og tær sungu fyri nøkrum tónleikarum úti á terassuni har. Tær sungu eisini á Strøgnum og í metroini.

Við á ferðini var Eyðbjørn Jacobsen, fotografur, sum hevur gjørt dokumentarsendingina.

Seinni partur heldur fram eftir summarfrítíðina ta fyrsta árið, tá sjónvarpið byrjaði at senda.
Fleiri nýggj starvsfólk eru komin - eitt nú Árni Gregersen og Bergljót Debes Hentze, sum væl minnist sín fyrsta arbeiðsdag í august mánað 1984.
Fleiri nýggjar sendingar leggjast afturat Dagur og Viku eftir steðgin. Eitt nú Barnaløtan við Sakarisi Hammer og Eir í Ólavsstovu. Tey ungu fáa eisini eina sending, umframt at Mál & Mentan sær dagsins ljós.

Lagt til rættis: Finnur Koba.

Falkaríma, Det er i nat en vågenat, Brúsajøkul, Ólavur Riddararós.