Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Vinabýur og Uki.
"Snipp snapp" er hvørt mikukvøld, hóskvøld og um vikuskiftið.

Ítróttarsøga varð skrivað, tá føroyska manshondbóltslandsliðið í apríl 2023 spældi seg í EM-endaspælið fyri A-landslið, sum verður í Týsklandi í januar 2024.

Føroyar er nógv minsta land, sum hevur spælt seg í eitt EM-endaspæl í hondbólti. Á leiðini hagar vunnu vit á Ukraina og Rumenia, sum er trífaldur heimsmeistari í manshondbólti.

Stóri framburðurin í føroyskum hondbólti er komin eftir fáum árum. Fyri tíggju árum síðani vóru vit framvegis ongan veg komin. Menningin hevur tí verið ovurstór seinnu árini. Men fyri tíggju árum síðani setti Hondbóltssamband Føroya sær stór mál. Eitt var, at Føroyar innan tíggju ár skuldu í eitt stórt endaspæl fyri A-landslið. Tá var hálvavegna flent, at tey vóru so ósmæðin.

Í sendingini fáa vit søguna um gongdina í føroyskum hondbólti hesi seinnu árini. Sagt verður frá arbeiðssetninginum hjá Hondbóltssambandinum, ið hevur strítt seg úr húsagangi upp á tindin. Vit fáa søguna um stóra vakstrarøkið í felagnum H71 í Hoyvík, sum er vøggan hjá fleiri av okkara bestu spælarum í dag - onkur telist í dag millum úrmælingar úti í heimi.

Vit fylgja manshondbóltslandsliðnum á leiðini til søguliga EM-endaspælið, og eru við teimum á venjingarlegu í Føroyum og Íslandi í heyst.

Suni Merkistein og Hans Petur Hansen leggja til rættis.

Meðan bygdirnar og flestu býirnir kring grønlendsku strendurnar minka, stendur Nuuk, eins og Tórshavn, í stórum vøkstri. Landafrøðiliga er tó stórur munur á. Fólkaríkasta kommunan í Grønlandi við umleið 23.000 íbúgvum, har av umleið 18.000 í sjálvum høvuðsstaðnum, er á stødd við Frakland. Nuuk er eisini heimstaður hjá stórum tali av føroyingum, og í hesi sendingini hitta vit tríggjar teirra. Ein handilsleiðara, sum hevur ábyrgd fyri rakstrinum av fleiri matvøruhandlum í býnum, ein sjálvstøðugur elektrikari, ið selur og setur upp hvítvørur til grønlendskar familjur, eins og eigaran av størstu flutningsfyritøku í Grønlandi.

Lagt til rættis og gjørt sendingina hava:
Kári Mikkelsen og Jens Jákup Hansen.

Innanduraarkitekturin Beata Heuman býr í London og í Skåne. Hon skapar heilar heimar við síni innrætting, hon hongur málningar og spegl heilt upp til loftið og brúkar bylgjandi formar til sjálvgjørdu møblarnar fyri at skapa kenslu av rørslu eisini í smáum rúmum. Vit vitja í raðhusunum í trimum hæddum beint við Thames á.

Christian stríðist við bløðingar rundan um tað nýggja hjartað. Samstundis tekur Rie ímóti einum ungum manni i Traumemiðstøðini, hann hevur fingið ein stóran byggipall oman yvir seg. Vanlukkan krevur bæði, at tað verður handlað skjótt, og at hann fær rætta umsorgan.

Nú er tíðin, tá nógv vilja giftast, so nú skal brúdleypskaka bakast, døgurði skal gerast, blómutyssi og borðpynt við. Hotellið fær eisini nýggjan svimjihyl. Stórt tiltak er m.a. á nýggju takterassuni og í barrini.
Framl.: Mastiff A/S
Framl. fyri: TV 2 DANMARK
Framl.ár: 2018