Skrá Sjón

Selma og tey fara út í myrkrið at leita eftir jólamanninum! Vetur er ikki blíður, tá hann uppdagar, at bollaforboðið ikki verður hildið, og hann steingir bakaríðið hjá Hjartrún.

Fáa tey í Snæfalli tíð at lesa øll brøvini og blása allar jólakúlurnar, so vegurin til VU letur seg upp?

Endiliga er jólaaftan, munnu tey náa fram til Vu, og verður jólagleði hjá øllum? Selma má gera av, um hon fer aftur til VU, ella um hon skal verða verandi í Snæfalli.

Julius og Rógvi eru næstan klárir og til reiðar at halda jól. Næstan alt er liðugt. Tað hevur verið so nógv at gera, men í dag. Í dag ? jólaaftan ? er bara eftir at ...... bíða.

Meðan vit bíða, og meðan teir bíða, og meðan øll bíða eftir, at jólini koma, so fara Julius og Rógvi at hugna sær, kanska fáa sær okkurt jólaligt at eta, pakka eina gávu upp kanska og hyggja at teknifilmum. Um teknifilmarnir eru góðir, so tíma bæði Julius og Rógvi at hyggja at teimum. Vit fara at síggja nýggja filmin um Labbaliðið, og eisini um Grísa-Peppu, Sáru og dunnu, Mouk og L fyri Lomb. Og so fara vit eisini at lurta eftir jólaevangeliinum, sum Vón fer at lesa.

Og so er bert eftir at siga gleðilig jól.

Forvitnislig konsert í Norðurlandahúsinum, har føroyskir sangarar tulka sálmar, konsertin var partur av tiltakinum Reformatiónin 500 ár.
Í eini samanrenning av ljósi, ljóði og upplestri tulka ymiskir tónleikarar frítt sálmar úr Sálmabókini.
Ein einføld, men hugvekjandi heildaruppliving, við íblástri úr kirkjuligari liturgi.


Sangarar eru:
Jón Aldará
Greta Svabo Bech
Annika Hoydal
Teitur Lassen
Sissal Grækarisdóttir Magnussen
Niels Midjord


Tónleikarar:
Torleik Mortensen
Andrias Tykjær Restorff
Knút Háberg Eysturstein
Per Ingvald Højgaard Petersen

Ljóð:
Theodor Kapnas
Ljós:
Zacharias Guttesen og John Ivar Venned
Pallseting og upplestur
Annfinnur Heinesen

Øll gleða seg til jóla og fáa næstan ikki sovið av spenningi. Á einum radara sær Reiðar, at jólamaðurin og reindjórini hava kós móti Ævintýravík, men knappliga hvørva tey av skíggjanum. Løtu seinni ringir hjá Reiðari - tað er jólamaðurin! Hann rendi seg beint í eina kavaódn, og sleðan datt niður. Reindjórini eru rýmd, fleiri gávur eru burtur, men ringast av øllum er, at jólastjørnan fór í fallinum. Uttan jólastjørnuna ber ikki til at flúgva við sleðuni. Hesa ferð er brúk fyri øllum labbum. Jólmaðurin stúrir fyri, at hann ikki nær til øll við jólagávunum. Men við góðum kreftum sæst ein glotti.

26. august í ár holvdist Naddoddur av einum ógvusligum broti í Stadhavinum út fyri norsku strondini. Livar Nysted var við og varð bjargaður. Men unga meksikanska kvinnan, Carla Dana, druknaði. Vit fylgjast heim úr Noregi við Livari og eru við, nú Livar brúkar pensilin sum amboð at seta orð á skelkandi hendingina.
Gjørt sendingina hava: Gestur Janusarson Lómstein og John Johannessen.

Aftur í ár borðreiðir Jól við Løkin við einum flottum tyssi av sangsolistum umframt vælspælandi orkesturmanning, blásarum, strúkarum og kórsangarum. Sangirnir eru eitt gott bland av útlendskum og føroyskum jólaklassikarum og forvitnisligum nýggjum sangum. Ein vakurt pyntað Løkshøll spílar seg út at geva áhoyrarunum eina konsertuppliving fyri allar sansir.

Árliga jólakonsertin í Ebenezer í miðbýnum í Havn.
Á skránni er Ebenezerkórið og gentukórið Aloe, umframt solistarnir, Erla Bech Nolsøe, Bárður á Lakjuni, Marjun Wolles og Bárður Tindskarð.

(It?s a Wonderful Life)
George Bailey er ein góður familjufaðir, sum altíð hevur hjálpt øðrum. Hann hevur eitt gott heim, eina fitta konu, góð børn og eina lítla fyritøku. George og virkið hjá honum eru tó ein forðing fyri stóra vinnulívsmanninum í býnum, og hesin roynir at knúsa George. Og tað tykist at eydnast. George er um at fara á heysin og ætlar sær at forgera sær, og tað eru enntá jól. Í seinastu løtu kemur verndareingilin Clarence, og spurningurin er so, um tað fer at eydnast at vissa George um, at hann skal sleppa sjálvmorðstankanum og venda heim til familjuna.
Leikarar: George Bailey: James Stewart, Mary Hatch: Donna Reed og Mr. Potter: Lionel Barrymore. Onkel Billy: Thomas Mitchell. Clarence: Henry Travers. Mrs. Bailey: Beulah Bondi. Ernie: Frank Faylen. Bert: Ward Bond.
Leikrit: Frances Goodrich, Albert Hackett og Frank Capra eftir søgu hjá Philip Van Doren Stern.
Leikstjórn: Frank Capra.