Skrá Sjón

Aftur í ár borðreiðir konsertin Jól við Løkin við einum flottum tyssi av sangsolistum umframt vælspælandi orkesturmanning, blásarum, strúkarum og kórsangarum. Sangirnir eru eitt gott bland av útlendskum og føroyskum jólaklassikarum og forvitnisligum nýggjum sangum. Løkshøll er vakurt pyntað og spílar seg út at geva áhoyrarunum eina konsertuppliving fyri allar sansir.

Aftur í ár borðreiða tey við Løkin við einum flottum tyssi av sangsolistum umframt vælspælandi orkesturmanning, blásarum, strúkarum og kórsangarum. Sangirnir eru eitt gott bland av útlendskum og føroyskum jólaklassikarum og forvitnisligum nýggjum sangum. Løkshøll er vakurt pyntað og spílar seg út at geva áhoyrarunum eina konsertuppliving fyri allar sansir.

Nýggjárssending, har vit við innsløgum og beinleiðis samrøðum, lodda dýpið á nýggjárshýrinum kring landið, og líta aftur á árið, ið fer.

Í Vallbakkaskóginum búgva nógv ymisk dýr, bæði stór og smá, við Klintrimús á odda. Hini dýrini eru m.a. tann skilagóði Mortan skógmús, bakarameistarin Haru-Per og Bamsu-Pól, sum er hann, ið ræður. Sjálvandi mugu vit ikki gloyma Reva Mikkjal og Pætur Pinnagrís, men teir eru ikki so fittir í fyrstani.

Alt er ikki bara gott. Tí skrivar Mortan eina lóg, ? har øll í skóginum skulu vera vinir og ikki eta hvørt annað. Og tá fólkini á garðinum taka Murrimann, hjálpa øll dýrini honum leysum aftur.

Og so fara tey í føðingardag hjá Bamsu-Pól.

Í meira enn hálva øld hava vágbingar hildið nýggjár við at ganga kyndlagongu og brenna ein bát á Tríkantinum, tey kalla. Á gáttini til
2018 skipaði Nýggjársnevndin í Vági fyri at gera ein film um søguna hjá haldinum og fyrireikingarnar í nútíðini. Filmsliðið fylgdi vágbingum í tríggjar dagar, og mong upptøkutól vóru til reiðar, tá endabresturin var gamlaárskvøld. Við í filminum eru m.a. Robert McBirnie, Petur Dahl Nolsøe, Niels Petur Nolsøe, Hans í Líðini, Búi Dahl og onnur.
Lagt til rættis: Uni Arge og Hans Petur Hansen.

Maria er ungt nunnuevni, sum varnast, at lívið í kleystrinum ikki er tað rætta fyri hana. Virðini hon hevur lært í kleystrinum, kunnu tó væl brúkast í nýggja starvinum sum dadda hjá musikalsku óargaungunum hjá einkjumanninum Von Trapp. Maria verður eitt frískligt lot í hansara lívi og ein frálík dadda hjá børnunum, men í sjónarringinum hóttir seinni heimsbardagi.
Filmurin fekk fimm Oscar virðislønir.
Leikarar: Maria: Julie Andrews, Baron Von Trapp: Christopher Plummer og Abbadissan: Peggy Wood. Max Detweiler: Richard Haydn. Systir Margaretta: Anna Lee. Systir Sophia: Marni Nixon. Liesl: Charmian Carr. Louisa: Heather Menzies. Friedrich: Nicholas Hammond. Kurt: Duane Chase. Brigitta: Angela Cartwright. Martha: Debbie Turner. Gretl: Kym Karath.
Leikrit: Ernest Lehman eftir leikinum hjá Richard Rodgers og Oscar Hammerstein II.
Leikstjórn: Robert Wise.

Í filminum "Hjartabørn í Kenja"fara vit við hjálparfelagsskapinum Mirjam á eina nemandi ferð til afrikanska landið Kenja.

Tað er unga parið Rakul Ró og Niels Jóhan sum filma, spyrja og siga søguna um vónrík skúlabørn og arbeiðssamar kvinnur í Kenja.

Sig okkurt skeg er stand-up show hjá Sjúrði Skaale. Óhóskandi fyri børn.

Ársins seinasta dag eru gøturnar í New York fullar av kærleika. Handilsmaðurin Sam (Josh Duhamel) vónar at finna eina kvinnu, hann hitti næstseinasta nýggjásaftan. Sangarinnan Elisa (Lea Michele) og nýggjárshatarin Randy (Ashton Kurcher) sita føst í einari lyftu. Smædni skrivarin Ingrid (Michelle Pfeiffer) biður Paul, ið er súkkluboð, um at hjálpa sær at fáa síni nýggjárslyfti at ganga út. Á føðideildini kappast tvinni foreldur um at vera fyrstu foreldur í tí nýggja árinum. Og tannáringurin Hailey (Abigail Breslin) vil sleppa frá mammu síni til Times Square og kanska fáa sín fyrsta koss.
Handrit: Katherine Fugate.
Leikstjórn: Garry Marshall.
Upprunaheiti: New Year´s Eve
Framleiddur í 2011