Skrá Sjón

Nú várar. Tað er fyrsti apríl, tá er loyvt at lumpa tann, sum tú vilt, og tað gera tey í Dundurdali.

Í sjeynda og seinasta parti av Dundurdali royna Anna og Rúna seg sum pedagogar, tí tað ætla tær sær kanska at vera, tá tær verða stórar. Men tað er ikki bara sum at siga tað.

Í Vallbakkaskóginum búgva nógv ymisk dýr, bæði stór og smá, við Klintrimús á odda. Hini dýrini eru m.a. tann skilagóði Mortan skógmús, bakarameistarin Haru-Per og Bamsu-Pól, sum er hann, ið ræður. Sjálvandi mugu vit ikki gloyma Reva Mikkjal og Pætur Pinnagrís, men teir eru ikki so fittir í fyrstani. Alt er ikki bara gott. Tí skrivar Mortan eina lóg, ? har øll í skóginum skulu vera vinir og ikki eta hvørt annað. Og tá fólkini á garðinum taka Murrimann, hjálpa øll dýrini honum leysum aftur. Og so fara tey í føðingardag hjá Bamsu-Pól.

Lagt til rættis: Jens Jákup Hansen.

Teir níggju lestrarnir er upprunaliga ein enskur siður, Festival of Nine Lessons and Carols, sum tók seg upp í kirkjum á jólum í 1880, og er síðani farin víða um heimin. Í gudstænastuni verður skift ímillum sang og upplestur av bíbilskum tekstum, sum leiða kirkjufólkið frá skapanini og fram til krubbuna í Betlehem. Ovi Brim prestur hevur gudstænastuna, og starvsfólkini hjá Heimamissiónini lesa, syngja og spæla. Harafturat luttaka Hallgerð Brim og Hanus Højgaard í postludiuminum.

Í filminum "Hjartabørn í Kenja" fara vit við hjálparfelagsskapinum Mirjam eina nemandi ferð til afrikanska landið Kenja.

Tað er unga parið Rakul Ró og Niels Jóhan sum filma, spyrja og siga søguna um vónrík skúlabørn og arbeiðssamar kvinnur í Kenja.

26. august í ár holvdist Naddoddur av einum ógvusligum broti í Stadhavinum út fyri norsku strondini. Livar Nysted var við og varð bjargaður. Men unga meksikanska kvinnan, Carla Dana, druknaði. Vit fylgjast heim úr Noregi við Livari og eru við, nú Livar brúkar pensilin sum amboð at seta orð á skelkandi hendingina.
Gjørt sendingina hava: Gestur Janusarson Lómstein og John Johannessen

SANSA Føroyar er fyrsta almenna konsert hjá saksofonistinum Kristinu Thede Johansen. Nakrir av Føroya fremstu tónleikarum framføra. Njótið eina ferð ígjøgnum føroyska søgu og mentan við tónleikinum í hásæti.

2. páskadag 15. april 2019 klokkan 18.17 kom eldur í Notre-Dame kirkjuna í Paris. Hon hevur verið eitt av býareyðkennunum síðan 1345. Eldurin breiddi seg skjótt, og sløkkiliðsfólkini høvdu ilt við at náa fram. Hvussu skuldi sleppast undan, at kirkjan brann í grund? Ein filmur eftir Jean-Jacques Annaud.

? Upprunaheiti:Notre-Dame brûle
? Við eru: Gontier: Samuel Labarthe, Gallet: Jean-Paul Bordes og Marianne: Chloé Jouannet. Við eru eisini: Laurent Parades: Mickaël Chirinian. Joel: Jeremie Laheurte. Sandro: Vassili Schneider. Handrit: Jean-Jacques Annaud og Thomas Bidegain Leikstj.: Jean-Jacques Annaud
? Framl.ár:2022
? Aldursmark:11