Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Mouk, Elias og L fyri lomb.
"Snipp snapp" er hvørt mikukvøld, hóskvøld og um vikuskiftið.

Í nýggjari sendirøð um Føroyar verður ljós varpað á støðu okkara í danska ríkinum. Landafrøðiliga, mentanarliga og málsliga skilja Føroyar seg burturúr í Ríkisfelagsskapinum. Vit fata okkum sum egin, ikki donsk - og tó. Vit eru bæði - ella kanska hvørki? Vit ráða okkum sjálvum, men kortini ikki heilt. Vit rinda fyri okkum sjálvi, men kortini ikki heilt. Búskaparliga hevur framburðurin síðan aldamótið verið so stórur, at Føroyar teljast millum ríkastu samfeløgini í heiminum í dag. Kortini tykist spurningurin um at ráða sær sjálvum ikki so viðkomandi longur, og hevur ikki verið frammi sum eitt nevnivert tema á seinastu løgtingsvalunum. Tvørturímóti er fatanin av okkum sjálvum sum samrunnin minniluti í danska eindarríkinum kanska sterkari nú enn fyrr.

Seks partar eru í alt í nýggju sendirøðini, ið ber heitið "O, móðurlandið". Farið verður víða um í einari breiðari lýsing av evninum. Nýggjar samrøður eru gjørdar við fleiri enn fjøruti fólk, hartil er fitt av eldri tilfari útvegað bæði úr føroyskum og donskum søvnum. Í hesum fyrsta partinum verður kjølurin strektur frá landnámi til fólkaatkvøðuna í 1946.

Suni Merkistein og Jógvan Eli Dam leggja til rættis.

Hann var ein av okkara heilt stóru enterteynarum, men hann var eisini annað og meira enn tað. Hermann Jacobsen var so mangt. Tikin úr leikum sum skemtari, hermari og sjónleikari, vísusangari av guds náði, tiltikin frásøgumaður, tann føddi blaðmaðurin við sínum livandi hugflogi, góða penni og góða málburði. Hann var eitt nátúrtalent av teimum heilt stóru, landskendur og avhildin, næstan dyrkaður sum stóra stjørnan í útvarpsins stóru undirhaldssendingum tey árini, V4. Hann sigldi við fullum ljósi í nøkur ár, men so líðandi slóknaði lívsneistin, og í 1988 orkaði hann ikki meira.

Suni Merkistein og Hans Petur Hansen leggja til rættis.

Eftir strævið arbeiði í fleiri vikur, hevjar tað gamla spøkilsishúsið seg úr fordómaøldini, tá Sofie og handverksmenninir endiliga endurbyggja gomlu havastovuna í Vennely.


? Sesong:3.
? Partur:8.
? Framl.ár:2024
? Framl.:Bermuda
? Framl. fyri:TV 2 DK

Mamma og tvey børn hava verið fyri eini ferðsluvanlukku, so Michael skundar sær út við læknabilinum. Ein robottskurðviðgerð skal hjálpa Stig, sum hevur brúk fyri einum nýra frá verdóttirini Victoriu. Og so verður sjúkrasystirin Julie biðin um at taka meira ábyrgd.

Ruths Hotel í Gl. Skagen hevur sín egna hásummarsið, tá gourmetmatstovan bjóðar vælkomin til borðs um jóansøkutíð. Døgurðin er í tveimum, so gestirnir kunnu fara oman á strondina at hyggja, meðan heksin verður brend á báli, áðrenn tey sessast aftur at eta omaná.
Framl.: TV 2 Nord
Framl,. fyri: TV 2 DANMARK
Framl. ár: 2018

Zofia hittir endiliga skyldfólk síni uttan fyri Beograd eftir at hava bíðað í 20 ár. Sameiningin er kensluborin, og nú fara tey at gera mat sum í gomlum døgum, áðrenn kríggið kom. Á ferðini er hon eisini í Norðurmakedonia. Zofia gerst fjálturstungin, tá tey fara um markið, tey einaferð flýddu yvir, og hon minnist, hvussu tað var at bíða har og hvørki høvdu vatn ella mat.