Skrá Sjón

Í Føroyum íðka 2.200 fólk hondbólt, og alsamt fleiri spælarar fara uttanlands at royna hondbóltseydnuna.

Tveir teirra eru tann 19 ára gamla, Rakul Wardum, og tann 16 ára gamli, Óli Mittún.

Rakul fór longu sum 16 ára gomul niður á Skanderborg Elite Håndboldakademi og spælir nú við Ajax í Keypmannahavn, og Óli Mittún skrivaði í mars í ár undir sáttmála við svenska meistaraliðið, Sävehoff.

Í sendingini greiða tey frá sínum dreymum um framtíðina og umrøða eisini tann longsul, sum kann gera um seg, tá ungfólk flyta burtur.

Uni Arge leggur til rættis og Mathias Dimon Næs setti saman.

Dikka býr á Junifløtti saman við mammu og pápa og lítlusysti, Lisabet...og so Álvu, ikki minst.
Í grannahúsinum býr Affi, sum Dikku dámar so væl. Hann plagar at baka fyri pápan, sum heldur
vil drekka og hugsa enn arbeiða.

2. árgangur:
Ein høna vitjar smábørnini. Fílur hjálpir einum hvítabjarnaunga at leita eftir mammuni.

Røðin er í 10 pørtum og er ætlað smábørnum og snýr seg um framførslu av kendum føroyskum barnasangum.

3 partur: Sangir um djór.
Hvat djórini gera og siga.

Katrin Jacobæus, Katrin á Borg Johannesen og Árni Jóannesson syngja og spæla ymisk ljóðføri.

Spurnarkapping ímillum 3 flokkar í skúlum kring landið.

Teknirøð við føroyskari talu til smábørn.

Í Føroyum er ov mikið av mati, og eingin gongur svangur. Visti tú, at í teimum stóru handlunum eru umleið 8000 ymiskar matvørur at velja ímillum.

Føroyar eru ein matframleiðandi tjóð, tað vil siga, vit framleiða eina rúgvu av mati ? ella vit fiska nógvan fisk, og so býta vit um. Tí vit eta nevniliga ikki bara føroyskan mat.

Hygg bara í handlunum, vit innflyta alt møguligt, bæði kjøt og epli og frukt og grønmeti, og eisini slíkt, sum longu er í Føroyum. Seyðakjøt og enntá vatn !?!

Er forrestin loyvt at innflyta alt?
Natasja og Palli kanna og spyrja serfrøðingar og ein landsstýrismann um allan matin, sum er í Føroyum. M.a. hvussu nógv hvør føroyingur etur um vikuna, og hvat keypa vit mest av. Og hvat av hesum er gott at eta?

Lagt til rættis: Páll Danielsen og Mathias Dimon Næs.

Fyrsta sending byrjar við elstu kirkjuni í landinum og snýr seg annars um kirkjur bygdar úr gróti.

Lagt til rættis: Malan Johannesen.

Mark er í Bulgarien og leitar eftir honum, sum skal arva eina ørandi upphædd eftir vælgerðarfólkið Simeon Genov. Raimond Pohlak, hevur skrivað allar sínar pengar til ein ókendan bróðurson.

Teknirøð við føroyskari talu til smábørn.

Vit spola tíðina aftur til 1984.
Nikodemussangbólkurin við M.C. Restorff á odda, skipaði fyri konsert í Norðurlandahúsinum. Konsertin bleiv upptikin til live-útgávu, og kom út á kasettuband stutt eftir.
Góð 40 ár seinni, er upptøkan tikin framaftur, og við nýmótans talgildari tøkni reinsað so frægt sum til ber.
Vit tosa við M.C. Restorff um konsertina, sum var rættuliga slóðbrótandi tá í tíðini, og vit hoyra brot úr konsertini.

Rithøvundurin Heðin Brú mundi eiga innivist í stovuni í mongum føroyskum heimi í sínari tíð. Í nógvum húsum sóust allar hansara bøkur standandi á hillunum. Skaldsøgur og stuttsøgusøvn í einari røð. Føroyingar lósu Heðin Brú. Hann skrivaði søgur, sum fólk kendu seg aftur í og tóku til sín. Av føroyskum prosahøvundum, var hann kanska tann, sum føroyingar í drúgt áramál vóru bestir við. "Feðgar á ferð", ið fleiri ferðir var lisin sum framhaldssøga í útvarpinum, hevur vunnið støðu sum klassikari í føroyskum bókmentum.
Bøkur hansara vóru eisini týddar til fleiri fremmandamál og lisnar víða hvar. Hann verður framvegis mettur sum eitt av mætastu prosaskaldum, ið skrivað hevur á føroyskum.

Heðin Brú var listamannaheiti, ið Hans Jákup Jacobsen (1901-1987) fekk sær. Hann var føddur og vaks upp í Skálavík fyrst í farnu øld. Eftir nøkur ár til skips, og ein vetur á háskúla í Havn, helt hann seg hava ráð at fara burtur at lesa. Í 1928 tók hann prógv sum búnaðarfrøðingur í Danmark. Heimkomin fór hann at arbeiða innan føroyska landbúnaðin, í 1942 tók hann við sum landbúnaðarráðgevi. Tað gjørdist hansara lívsstarv, skrivingina fekst hann við í fríløtum.

Undirheitið á fyrra partinum, "Loystur úr fjøtrum", sipar til strev høvundans at frígera seg frá øllum teimum, ið leggja honum meinbogar í vegin at halga seg til skaldskapin. Heimbygdin kennist honum ov trong, hann vil út um bøgarðarnar at royna flogið. Ikki fyrr enn hann er staddur í Danmark tekur hann dik á seg og fer av álvara undir at skriva. Men søgurnar, ið bilgjast innan í honum, spretta úr heimbygdini. Tað er føroyska fólkið og bygdalívið í Føroyum, sum Heðin Brú fyrst og fremst skrivar um.

Tað eru Suni Merkistein og Hans Petur Hansen, sum leggja til rættis nýggju dokumentarrøðina í tvinnanda pørtum um Heðin Brú.

Aftur í ár verður føroyskur tónleikur fagnaður.
FMA - Faroese Music Awards - har bestu avrikini í føroyskum tónleiki farna árið verða heiðrað.
Kringvarpið sendur beinleiðis frá tiltakinum.