Skrá Sjón

Í hesi spildurnýggju sending fara í alt 16 børn at baka kakur og kappast ímóti hvørjum øðrum. Tey eru 8 lið í alt við 2 børnum á hvørjum liði. Luttakarnir mugu brúka alla sína vitan og sítt góða handverk fyri at koma allan vegin í finaluna. Vertur í sendingini er Svend Danielsen.

Í sendingini hitta vit fitta vinin Vinus, sum dugir væl at finna uppá og siga frá. Inni hjá Vinusi er hugnaligt, veggirnir eru litfagrir, og hann eigur nógvar bamsur og nógv leiku at spæla við. Og góðar bøkur.
Í eini holu undir hillini býr Vimús. Vinus og Vimús eru vinir, hóast Vimús er ein mús. Alt sum Vinus eigur og finnur uppá, tað eigur Vimús eisini, ella næstan sama slag.

Hvørja ferð finna Vinus og Vimús upp á okkurt nýtt at vísa øllum. Sumt er torført at gera, sumt er torført at finna, og sumt er nokkso torført at siga. Alla tíðina ber til at læra seg at siga øll orðini, hóast tey eru torfør.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Sløkki Sam og Sára og Dunna.
"Snipp snapp" er hvørt mikukvøld, hóskvøld og um vikuskiftið.

Sjósavnið hevur fingið eitt serliga stórt igulker, sum kann etast sum sushi. Tískil skal tað eisini ansast væl eftir, at tað ikki verður stolið. Ib Ullrik hoyrir um igulkerið í útvarpinum og verður beinanvegin spentur, um hann kann verða tann fyrsti føroyingurin, sum sleppur at eta eitt tílíkt igulker. Í partinum roynir hann at stjala igulkerið. Angela og Hannibal eru eisini á sjósavninum og gera sítt til at ansa eftir igulkerinum. Fitti kúllurin Olgar er eisini og vitjar Angelu á sjósavninum. Hans Eli Sivertsen greiður frá um fiskarnar, sum eru á sjósavninum. Umframt hetta vitjar Angela í hvørjum parti ymisk áhugaverd støð.

2. partur:
Konufólkaklæðir og jólamaður.
Ib Ullrik roynir aftur at stjala igulkerið, men tað er truplari, enn hann hevði væntað. Og so fer Angela at vitja børn í Nólsoy.

Vanliga síggja vit bara tað burturkastið, sum liggur á vegnum, men nøkur støð í náttúruni eru rekastøð, og har savnast fleiri hundrað kilo. Tað eru vøkur støð, har eingin býr, men har liggja plastfløskur, skógvar, togendar, plastposar, træpetti, íløt, bustir, flamingo og boyur. Og tað liggur bara har og dálkar, um ikki onkur ruddar.

Næmingar í Tvøroyrar skúla hava í nøkur ár ruddað í Trongisvágsbotni eina ferð um árið. Tí Trongisvágsbotnur er eitt náttúruvakurt stað vestanfyri á Suðuroynni, og í 2017 lá so nógv burturkast har, at náttúran næstan ikki sást. So varð farið at rudda. Heili 17 tons av burturkasti vórðu ruddað. Skilabetri er at rudda eina ferð um árið. Hesaferð vórðu ruddað upp í tveir stórar posar, sum tyrlan hivaði upp. Tað vigaði í alt umleið eitt hálvt tons.

Men ikki alt, sum rekur upp, er skaðiligt, okkurt kann gott liggja. So sum stórir viðarbular, tí teimum kunnu millum annað fuglarnir fáa ágóðan av.

Lagt til rættis: Páll Danielsen.

Í februar 2023 setti Jens Jákup Hansen sær fyri at ganga upp á hægsta fjall í Afrika. Toppurin á Kilimanjaro er 5895 metrar oman fyri vatnskorpuna.
Í januar 2024 ætlar Jens Jákup sær upp á Aconcagua, 6960 metrar, hægsta fjall uttan fyri Himmalaja, og toppurin á Afrika er venjing til túrin.
Tað er ikki uttan orsøk, at Jens Jákup gongur hesar avbjóðandi túrarnar, Jens Jákup hevur ADHD og trupult við at vera í friði, truplir túrar og avbjóðingar eru sum heilivágur hjá honum. Fyri at seta fokus á ADHD hevur hann átakið "Hin Rusuti", sum við filmum, fyrilestrum og skriving á sosialum miðlum, skal fremja tilvit um ADHD.
Við á túrinum er Gundur Mortensen, teir kennast frá fjallabjargarunum og eru vinir.
Í sendingini síggja vit, hvussu gongst á ofta truplu royndini at náa toppin á Afrika.

Lysttoymið vitjar í Mariukirkjuni í Havn.

Gísli Örn Garðarsson fer til Grønlands, Føroyar, Íslands og Noregs og hittir kokkar, sum vísa á nýggjar leiðir innan siðbundna matgerð við teimum ótrúligu rávørum, sum eru í og við Norðuratlantshav. Framleitt hevur Sagafilm, leikstjóri er Hrafnhildur Gunnarsdóttir.
Týtt og tekstað:
Heiðrún Hõdd Guðmundsdóttir og Erla Zachariassen.

Kirsti Furnes býr einsamøll, og vegur er eingin. Tað bilar ikki. Um veturin er avbyrgt við ótryggum ísi. Tað gongur eisini. Men tá skílyftan brotnar, er tað álvarsamt.

MEGD skipar fyri landsinnsavning vegna síni 24 limafeløg.
Á skránni verður tónleikur við eitt nú Lenu Anderssen, Marius DC, Demenskórinum, Bass Elvis og Ester Skála. Eisini verða tað samrøður og innsløg um m.a. livikor hjá fólki, ið bera brek og varandi sjúku, og sjálvbodna arbeiðið hjá feløgunum. Vertir eru Óluva Zachariassen og Kári Sólstein, og sendingin verður bæði teknmálstulkað og tekstað.

Vigdís sigur søguna um íslendsku megnarkvinnuna Vigdís Finnbogadóttir - hennara sigrar og sorgir, óvissur og ivar - og djørvu avgerðina at stilla upp sum forsetavalevni í 1980, tá javnstøða enn var ein fjarskotin dreymur. Vigdís var kvinna, ung og støk mamma. Kortini gerst hon tann fyrsta kvinnan í søguni, ið verður vald til forseta.

Jørgen og Nikolaj eru farnir til oynna Molat í Adriahavi. Her fara teir at veiða villar geitir. Tað er tó rættiliga torført at sleppa fram at geitunum. Um alt gongur galið, kunnu teir altíð eta fisk ístaðin.