Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Sára og Dunna og L fyri lomb.

Eitt summar fyrst í 00unum fluttu fólk aftur til útdeyðu bygdina Múla á Borðoynni. Tríggjar vanligar føroyskar familjur tóku av avbjóðingini at búgva í Múla í eina viku. Eitt upptøkulið frá Studio Pegasus fylgdi fólkunum hesa vikuna.

Í seinnu sendingini síggja vit, hvussu tað gongur, hvat hendir, tá løgmaður kemur á vitjan. Familjurnar skulu kappast í ymiskum kappingum. Men tíðin kemur eisini, tá familjurnar skulu siga farvæl við bygdina og hvønn annan.

Gongur tú á fjøllunum ein góðan dag og gevur tær stundir at hyggja at landslagnum, so er mangt at fáa eygað á. Til dømis allar tær mongu
rásirnar og gøturnar, ið ringja seg um brattlendi og slættlendi, og mangan sæst væl, at mannahond hevur gjørt ábøtur, so gøtan er trygg at ferðast á. Hesar bygdagøtur eru tó við at kámast burtur, tær liva einamest í minninum hjá teimum eldru fólkunum. Í tveimum sendingum fer Jákup Pauli Nielsen úr Fámjin at greiða frá
bygdagøtunum úr Fámjin.
Lagt til rættis: Zacharias Hammer.

1942. Nazistarnir hava valdið í meginpartinum av Europa, og teir allieraðu leita eftir einari leið at gera innrás á meginlandinum uttan at renna seg í ov nógvar týskarar.
Ein bólkur av njósnarum fer undir at gera eitt svikaráð, sum skal fáa týskarar at trúgva, at innrásin verður í Grikkalandi ? hóast veruliga ætlanin er at leypa á Sisila. Ætlanin er, at týskarar skulu finna ein deyðan hermann við følskum loyniskjølum. Filmurin byggir á veruligar hendingar.

Upprunaheiti: Operation Mincemeat
Leikarar: Ewen Montagu: Colin Firth, Charles Cholmondeley: Matthew Macfadyen, Jean Leslie: Kelly Macdonald
Framleiðsluár: 2021
Aldursmark: 11 ár

Vegna eitt kynspolitiskt spæl verður kvinnuligi hermaðurin Jordan O?Neil (Demi Moore) flutt til elitudeildina Navy S.E.A.L.S. Har skal hon sum fyrsta kvinnan gjøgnumgera ta torføru hernaðarútbúgvingina á jøvnum føti við mannfólkahermenn. Master Chief John Urgayle (Viggo Mortensen) trýr ikki uppá kvinnur sum elituhermenn og leggur somu krøv á hana sum á menninar. Men Jordan hevur ein stálvilja og noktar at geva upp, hóast øll vænta, at hon brýtur saman. Hon vil einaferð fyri altíð prógva, at ein kvinna kann vera ein eins góður elituhermaður sum ein maður!

Upprunaheiti: G.I. Jane
Framleiðsluár: 1997
Aldursmark: 15 ár