Skrá Sjón

Sjósavnið hevur fingið eitt serliga stórt igulker, sum kann etast sum sushi. Tískil skal tað eisini ansast væl eftir, at tað ikki verður stolið. Ib Ullrik hoyrir um igulkerið í útvarpinum og verður beinanvegin spentur, um hann kann verða tann fyrsti føroyingurin, sum sleppur at eta eitt tílíkt igulker. Í partinum roynir hann at stjala igulkerið. Angela og Hannibal eru eisini á sjósavninum og gera sítt til at ansa eftir igulkerinum. Fitti kúllurin Olgar er eisini og vitjar Angelu á sjósavninum. Hans Eli Sivertsen greiður frá um fiskarnar, sum eru á sjósavninum. Umframt hetta vitjar Angela í hvørjum parti ymisk áhugaverd støð.

5. partur:
Leitanin eftir Ib Ullrik.
Angela og Hannibal leita eftir Ib Ullrik fyri at fáa fatur á igulkerinum. Tað er trupult at finna Ib Ullrik, men Angela og Hannibal eru ikki ráðaleys.

Hetta er onnur sending av trimum um skaldið Hans Andreas Djurhuus. Talan er um dokumentarsendingar, sum lýsa mannin og samtíð hansara.
Hans Andreas er nú komin aftur til Havnar, eftir at hava virkað sum lærari á bygd. Sum frá leið blivu húsini, har hann og konan búðu, ein mentanarligur miðdepil, ikki einans fyri føroyingar, men eisini fyri norðbúgvar, sum vitjaðu í Føroyum. Í sendingini hoyra vit eisini um, hvat
tað var, sum eyðkendi Hans Andreas Djurhuus sum menniskja og lærara. Vit hoyra um skaldarverkini hann skapti hetta tíðarskeiðið og síggja eitt brot úr sjónleikinum um Anniku í Dímun.
Tað er Hanus Kamban, sum hevur gjørt tær tríggjar sendingarnar um Hans Andreas Djurhuus, sum helst man vera Føroya fólkakærasta skald. Lagt til rættis: Hanus Kamban.

Martin Johannes Larsen fer út í heim at uppliva ógvisligt veður og at hitta fólk, sum liva í tí. Martin upplivir melduródnir, 50 hitastig og túsundtals snarljós, hann seint fer at gloyma. Dagin eftir at Martin lendir í Oklahoma City, rakar ein av størstu torustormum í mong ár. Saman við øðrum áhugaðum leitar Martin vestureftir ? beint inn í stormeygað.
Vertur: Martin Johannes Larsen.
Sesong:1.
Partur:1.
Framl.ár:2025

Tá ið vit hugsa um byggilist ella arkitektur, so renna alskyns stórverk fram fyri huga - helst eru tey uttan úr heimi. Men hvussu er hjá okkum, eiga vit onki sum kann nevnast? Hetta hugleiðir Palli Gregoriussen um í trimum sendingum. Hann fer á ferð kring landið at vísa okkum hús og bygningar, sum eru nakað heilt serligt.

Bert ein mánaður er til upplating, so Lene og Anders eru undir trýsti, og tað verður ikki betri av, at nýggi kokkurin uppdagar, at køkurin ikki er klárur. Samstundis kemur ein rúgva av pakkum og bókingum inn. Og mitt í øllum rokinum má Lene brádliga hjálpa eini kúgv at kálva.
Sesong: 1.
Partur: 4.
Framl. ár 2025
Framl. fyri TV2 Dk.

Chanette og Daniel fingu tvey børn, áðrenn tey nýggju húsini vóru liðug. Daniel var sjálvstøðugur, og Chanette tók sær av øllum øðrum. Tað var hektiskt, og tá Daniel mátti stongja vínhandlarnar hjá sær, endaði alt handilsinnbúgv hjá teimum. Chanette fekk strongd. Nú skal av álvara sorterast, so hon kann verða frísk aftur.
Sesong:4.
Partur:2.
Framl.ár:2025