Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Sára og Dunna og L fyri lomb.

Sjósavnið hevur fingið eitt serliga stórt igulker, sum kann etast sum sushi. Tískil skal tað eisini ansast væl eftir, at tað ikki verður stolið. Ib Ullrik hoyrir um igulkerið í útvarpinum og verður beinanvegin spentur, um hann kann verða tann fyrsti føroyingurin, sum sleppur at eta eitt tílíkt igulker. Í partinum roynir hann at stjala igulkerið. Angela og Hannibal eru eisini á sjósavninum og gera sítt til at ansa eftir igulkerinum. Fitti kúllurin Olgar er eisini og vitjar Angelu á sjósavninum. Hans Eli Sivertsen greiður frá um fiskarnar, sum eru á sjósavninum. Umframt hetta vitjar Angela í hvørjum parti ymisk áhugaverd støð.

6. partur:
Ib Ullrik.
Spennandi er í seinasta parti at vita, um tað er møguligt at fáa fatur á igulkerinum aftur. Angela er sjálvandi aftur úti og vitjar børn.

Seinasta sending í røðini um byggilist er um Norðurlandahúsið í Føroyum. Norðurlandahúsið hevur eitthvørt yvir sær, sum ger, at flest fólk kenna seg væl í tí. Sjálvt um húsið hálvavegna er niðurgrivið, er tað opið og fult av luft. Glasveggir frá loft til gólv geva eina kenslu av frælsi og útsýni. Steingólvið og træveggirnir eru sniðgivnir og viðgjørdir, sum um talan var um eitt ljóðføri. Norðurlandahúsið kann nýtast til alskyns virksemi og broytist eftir einari løtu. Um kvøldið sýnist húsið hamskift og lokkar fólk til sín og inn í álvaheyggin.
Lagt til rættis: Eyðun Eliasen.

Smittan. Tuberklasjúkan var ein stór plága í fyrru helvt av farnu øld. Flest allar familjur hava onkran, sum er deyður av hesu ringu sótt. Tuberklarnir smittaðu illa, og smittuvandin var stórur bæði á sjógvi og landi. Tíðirnar vóru ringar, og fólk livdu tætt saman.
Lagt til rættis: Dagmar Joensen-Næs og Sigrun Samuelsen.

SVF hevur verið og vitjað í einum gomlum urtagarði í Havn saman við húskinum, sum eigur hann. Í hesi sendingini síggja og hoyra vit hvussu tað loysir seg best at fara um berjarunnar.

Torført er at fáa hoyggið turt á Kastanjugarði, tí vátt er í veðrinum, so Frank hongur hoyggið upp á stativ. Tomatir skulu hentast og smakkast, og so skal múrast í grovkøkinum.

Adolf, Winston og Josef standa nú á egnum beinum. Og gerandisdagurin er heilt ymiskur. Josef er bankaránari í Georgien, Winston er heimsins best lønti krígstíðindamaður, og Adolf er heimleysur í Wien. Peter Ingemann fer m.a. til Flandern og upplivir ein rørandi sið frá fyrra veraldarbardaga.
Ábyrgd: Peter Ingemann
Partur:3.
Framl.ár: 2021
Framl.: Kompagniet
Framl.fyri: TV 2 DK

Í 2003 varð Andrew Malkinson dømdur lívslangt fongsul fyri neyðtøku. Men ikki fyrr enn 20 ár seinni varð dómurin broyttur, og hann varð leyslatin. Hvussu kundi tað taka so langa tíð, áðrenn tað varð prógvað, at hann var ósekur? Vit síggja Andrew stríðast fyri rættvísi.

Upprunah.:The Wrong Man: 17 Years Behind Bars
Framl.ár:2024
Aldursmark:15