Skrá Sjón

Ja, so vita vit tað. At Julius er grammur eftir pitza! Hann var so grammur, at hann át alt, og Líggjas fekk einki burturav ? jú, seinni, tá Julius lánti pitza frá Dírikki. Julius er hjálpsamur hóast alt, tað riggar bara ikki so gott beinanvegin. Og Líggjas, man hann fara at blíva við at tíma at búgva í einum steini saman við einum gráum huldumanni? Tað er nú tað!

Sendingina gjørdu: Jákup Veyhe, Páll Danielsen, Regin D. Patursson, Hans Petur Hansen, Hallur E. Thomsen, Bjørg Mohr Andersen, Turpin N. Djurhuus, Øssur Hjalt, Hans Christian Clementsen, Johannes Danielsen og Thomas Koba.

Silvia Maria Gullaksen og Kertin Ovadóttir Nysted eru báðar í vangamyndini hesaferð. Tær eru í Hattarvík á Fugloynni. Og har kann verða nógv at síggja. Ein gullheyggur er har, og eisini er eitt fjørutrøll í Hattarvík. Man skal bara ikki fara ov langt oman í fjøruna. Úti í Hattarvík ber til at spæla - eitt nú rennispøl og eisini í Gellingará.

Og so mínar Damur og Harrar...... Hundurin hesaferð líkist...?...ja, hvørjum?.....tað er nokk so ringt ...., men so til endans er tað einki fyri.

Og NÚúúúúúú...... er gyklarin í køkinum. Hann gyklar við einum glasi og eini ballón.

Og enn einaferð gevur skorin frukt góð hugskot. Tað er Kob, sum dugir so væl at skera og læra Felisiu og øll onnur, sum tíma at gera øðrvísi matpakkar ella bjóða vinfólki.

Felsia J. Helmsdal er vertinnan í sendingini, hon er 11 ár.

Lagt til rættis: Páll Danielsen og Elin Dagbjartsdóttir

Ávirkarin Pauli fer til Tjørnuvíkar at surfa og skapa content. Hann er í toppformi, men dagurin gongur ikki heilt sum ætlað.

Í røðini verður hugt at Føroyum og føroyingum úr einum nakað øðrvísi, og kanska eitt sindur meira skemtiligum sjónarhorni enn vanligt. Her møta vit tjóðskaparmanninum Haraldi, konuni Pernille, og dóttrini Søs, sum øll búgva í Keypmannahavn. Her er tann illi Sofus, tann einsami Niels, tann samkyndi Kjartan, tey lekru Remi og Rosely, teir smørtu reportararnir Olgar og Randi ? og mong, mong onnur. Væntandi fara tey flestu at kenna seg aftur í onkrum av hesum persónum, sum so ella so mynda Føroyar anno 2008. Tað er Sjúrður Skaale, sum hevur lagt sendirøðina til rættis

Abbi Jan og Kirsten gjørdi royndir við samkyndum fangum í týsku fangaleguni Buchenwald, og eftir seinna heimsbardaga byrjaði hann eitt nýtt lív í Argentina. Hann fór frá myrku fortíðini við familjuni í Danmark. Søgan um danska nasistalæknan Carl Værnet er ein søga um óndskap og opportunismu, og um hvussu gerðirnar hjá einum manni kasta skuggar av skuld og skomm yvir hansara eftirkomarar.

Ruðuleiki er um allan heim, tá tíðindini um, at halastjørnur úr rúmdini nærkast jørðini. Stýrið í landinum biður verkfrøðingin John Garrity (Gerard Butler) møta á eini herstøð við konuni, Allison (Morena Baccarin), og soninum, Nathan. Á vegnum hagar missir hann sambandið við tey, og samstundis regnar við rúkandi steinum.

Leikarar: John Garrity: Gerard Butler, Allison Garrity: Morena Baccarin og Clayton Garrity: Scott Glenn.
Framl. ár: 2020
Aldursmark: 11