Skrá Sjón

Minnir í myrkri:
Ein mýruvera loypur á doodjiar, og Enyo er í so djarvur og heldur, at hansara totemgávur kunnu hjálpa honum at tala við mýruveruna. Úrslitið er vanlukkuligt, tí Enyo missir minnið og rýmir úr ættbólkinum. Tað endar við, at Quag Naga finnur hann og varnast, hvat er á vási.

Eftir uppskakandi sigurin á Eysturríki í fyrsta dystinum í altjóða fótbólti 12. september 1990 kyknar upp ein fótbóltsfepur í Føroyum, sum ber á brá av einari nýggjari fólksligari veking. Eftir einum degi hamskiftast føroyingar. Framfýsni loysir av uppgávulyndi. Nú er einki óført. Føroyar standa í brennideplinum. Útheimurin hevur uppdagað lítla oyggjasamfelagið í útnorðri. Og nú byrjar niðurteljingin til dystin, sum øll tosa um. 10. oktober skal spælast í Ítróttaparkini móti Danmark. Føroyingar í stórum tali leita til Keypmannahavnar, og í Danmark var áhugin fyri føroyska sensasjónsliðnum vorðin so stórur, at føroyska landsliðið var á hvørjari forsíðu í donsku bløðunum í døgunum fyri dystin. Rættiligur gravgangur var eftir atgongumerkjum, hóast dysturin sást beinleiðis í sjónvarpinum. Føroyar vóru í fokus í Danmark - og í øllum Evropa við - sum ongantíð fyrr. Hyggjaramet hevur uttan iva verið sett í Føroyum um kvøldið 10. oktober 1990, men tað er ikki staðfest í nakrari hyggjarakanning. Danir høvdu ongantíð viljað spælt við sínum A-landsliði móti Føroyum, men nú brynjaðu teir seg við øllum sínum bestu spælarum til EM-dystin móti føroysku amatørunum, sum høvdu lopið hvøkk á fótbóltsheimin.

Lagt til rættis: Suni Merkistein
Fotografur og klippari: Jónfinn Stenberg

Møguleikar og kvotur.
Rækjuveiðan í Vesturgrønlandi vaks skjótt í sjeyti árunum. Russar, norðmenn, danir, spaniólar og aðrir, vildu eisini fáa part í reyðargullinum, sum føroyingar høvdu funnið.
Í 76 - 77 komu fyrstu drúgvu og hørðu samráðingarnar um kvotuáseting. Atli Dam, ið var løgmaður øll sjeyti árini, var við til flestu samráðingarnar. John Dam heldur, at føroyingar fingu alt ov lítið burturúr slóbrótandi rækjuárunum. Ríkisfelagsskapurin tapti dyggiliga.
Í 78 fara fyrstu føroysku rækjuskipini á royndarveiðu í kanadiskum sjóøki.
Aftur her gjørdust føroyingar slóbrótarar innan kanadiska rækjuveiðuna og funnu nýggjar ókendar rækjuleiðir.
Í 80 var kvotan í Vesturgrønlandi ikki nóg stór til eitt føroyskt rækjuskip. Føroyingar máttu aftur royna at finna nýggjar ókendar rækjuleiðir í Norðuratlantshavi.

Virkisgjørdur matur er vorðin ein stórur partur av okkara matmentan. Hann er gjørdur til at smakka væl, halda leingi og vera bíligur. Men samstundis verður hann settur í samband við verri heilsustøðu og sjúkur sum krabbamein, demens og tarmsjúkur. Kunnu vit broyta matmentan okkara og betra um heilsuna?

Uppruna heiti: Irresistible: Why We Can?t Stop Eating
Framleiðsluár: 2024