Skrá Sjón

Pannukøku lagkøka.
Findus hevur føðingardag, og Pettson skal gera pannukøku lagkøku, men tað verður ikki so lætt hesaferð, sum hann hevði væntað. Har kemur alt millum himmal og jørð í vegin, millum annað tann illi tarvurin hjá Gustavsson.

Beiggi Pettson, Alfred, kemur at vitja, men hann er ikki sami stilli og friðarligi maðurin sum beiggin. Hann hóreiggjar sær so, at bæði Pettson og Findus skjótt halda, at nú ger tað einki, um hann fer av stað aftur.

Vælkomin bjóðar Lív fyrst og fremst. Men hesaferð ... ja, ber tað til at spæla saman uttan at happa og arga ... hóast øll hini rópa? Tríggir sjónleikarar koma at tosa við Lív um tað at spæla saman, uttan at arga og happa. Og vera við kortini ... ert tú við?
Eina nýggja tekning, sum tú ikki dugir at tekna enn, men tað dugir tú heilt víst, tá vitja verður í kjallaranum hjá Janusi, hav tú pappírið og tað klárt. Brandur og tey trumma alla tíðina, so tú skalt bara vera til reiðar, so er tú eisini við. Snilt, ha?
Ert tú við?

Vindríkið.
Doodjiar eru vilstir í einum dali, sum er fullur av grótsúlum. Shamani sendir Enyo upp á toppin á eini veldigari grótsúlu at biðja vindandan vísa teimum veg. Enyo tekur Ito og Agayu við, og tað verður ein sera spennandi ferð. Ferðin er vandafull, og meðan tey eru burtur verður Hunga illa særdur av harponunum hjá vindandanum. Tá tey nærkast toppinum, upplivir Enyo vreiði vindandans, og hann noyðist at halda fram einsamallur.

Vangamyndin:
Hesaferð er Katrina Mortansdóttir í vangamyndini saman við hundinum Stellu. Katrina gongur til hundavenjing, og tað er nógv at læra bæði hjá Katrinu og Stellu. Annars dámar Katrinu væl at lesa, og á kamarinum eigur hon ymiskt, sum hon sjálv hevur gjørt, men eisini okkurt sera kinesiskt, sum hon hevur fingið.

Tónleikarar:
Mariann og Eva fara at syngja og spæla ein so sera vakran føroyskan sang saman. Tær eita báðar Winther Nagata til eftirnavn, tí tær eru nevniliga systrar.

Spælið:
Ommusonurin Búi, og omman Malan fara at spæla, og alt í einum duga bæði hvør sítt nýtt spæl. Malan Rasmussen, sum er omman, fer at læra Búa eitt spæl, sum hon spældi, tá hon var lítil. Og Búi Pætursson fer at læra ommu sína eitt spæl, sum hann dugur.

Tað eru Elin D. Neshamar og Páll Danielsen, ið leggja til rættis.

Tað er ongantíð ov seint at royna ein nýggjan ítrótt. Serliga nú, tá ið nógvar ítróttagreinar verða tillagaðar, so øll kunnu vera við ? uttan mun til aldur ella førleikar. At kappast í hæddarlopi, tá tú ert 82 ár? Tað heldur Barbro Gadle slett ikki er nakað at stúra fyri ? tvørturímóti! Hasse Johansson, 70, dámar best at renna á skíðum í Åre. Venjingarserfrøðingurin Sofia Åhman, kend frá ?Hemmagympa med Sofia?, greiðir frá og gevur góð ráð.

Lizette, Louis og lítla dóttir teirra droyma um meira tíð saman, tá Louis hevur frí sum lastbilsjaførur. Tí skal Sara finna ein idylliskan bústað úti á landinum í Eysturjútlandi, har tað er langt til grannar og pláss til lastbilin. Dilsad bjóðar Sigrid og Anders av í tí væl umtókta Søborg við trimum ymiskum bústaðarsløgum. Spurningurin er, um tey skulu velja eina stutttíðaríbúð ella eina langtíðarvilla. Eitt er vist: tað skal vera pláss til útrykningsbilin hjá Anders, so hann kann vera til reiðar heimanífrá í starvinum sum sløkkiliðsmaður.

Vertir: Sara Lygum, Christian Borregaard, Camilla Rubæk og Dilsad Sahin.
Sesong: 17
Partur: 7
Framleiðsluár: 2025

Pauli fer undir eitt samstarv við ein nýggjan agent og kastar seg út í enn eitt sponsorat. Men alt gongur ikki sum ætlað.

Monica og Rob vitja hotellið Borgo Egnazia í Suðuritalia, sum er bygt soleiðis, at tað líkist eini gamlari, italskari bygd. Men hvussu ger man eitt kopi av Italia, sum minnir um fortíðina?

Heiti: Borgo Egnazia, Italia
Vertir: Monica Galetti og Rob Rinder
Sesong: 5
Partur: 6
Framleiðsluár: 2023
Framleitt fyri: BBC

Sara og neurologurin á barnasjúkrahúsinum staðfesta, at kropsligu førleikarnir hjá Almu eru versnaðir. Yvonne kennir bangin um fíggjarstøðuna, og stúranin hjá Inga-Lene økist, meðan Karl-Axel er í narkosu.

Løgreglumaðurin Matt Scudder (Liam Neeson) verður settur í samband við ein narkohandlara, hvørs kona er vorðin burturflutt og dripin. Nú vil maðurin hava fatur á teimum, sum stóðu aftan fyri, fyri at kunna revsa teir, og hann yvirtalar Scudder at taka málið. Men undir kanningini fer Scudder at skilja, at hetta verður ein vandamikil ferð, tí gerningsmenninir eru eitt sadistiskt par, sum áður hava burturflutt og dripið fleiri kvinnur ? og teir eru skjótt til reiðar at sláa til aftur.

Upprunaheiti: A Walk Among the Tombstones
Leikarar: Matt Scudder: Liam Neeson, Dany Ortiz: Maurice Compte og Ray: David Harbour
Framleiðsluár: 2014
Aldursmark: 15