Skrá Sjón

VIT hava verið í Fuglafjarðar skúla og filmað 11 nýggjar Snipp Snapp-sendingar. Børn, sum ganga í 2. flokki í Fuglafjarðar skúla eru vertir hvørt mikukvøld, til nýggi jólakalendarin Snæfall 2 byrjar í desembur. Í Snipp Snapp eru eisini 11 spildurnýggir partar av Labbaliðnum.

Í Føroyum vóru 1930-árini døpur og myrk. Nærum hvørt ár gingu skip burtur, og deyðin legði sína køldu hond yvir lítla oyggjasamfelagið. Onki samband var við skipini, meðan tey vóru burtur. Fólk tulkaðu dreymar og tekin fyri at meta um standin hjá manningunum umborð. Ofta vístu hesar tulkingar á skipbrot og deyða.
?Tey faðirleysu? er um tað seinasta stóra skipsbrotið í 1930-árunum. Tann 3. mars 1938 hvarv tann trímastraða klaksvíksskonnartin, Fossanes, í øgiligum ódnarveðri á Suðurlandinum. 19 mans fórust við skipinum. Eingin veit nágreiniliga at siga, hví Fossanes gekk burtur. Men sum fráleið komu alsamt fleiri frásagnir um løgnar hendingar umborð. ?Tey faðirleysu? er um varslini, menninar umborð og um tey, sum sótu eftir.
Lagt til rættis: Ivan Niclasen.

Turkurin heldur fram, og heystið nærkast við skjótum fetum. Nýggj hugskot spíra, og tey fevna millum annað um sølu av wasabi til matstovur í London.

Upprunaheiti: Clarkson´s Farm
Sesong: 1
Partur: 7
Framleiðsluár: 2021
Aldursmark: 7 ár

Sara (Allison Williams) og Jackson (Alexander Dreymon) vóru saman fyri nøkrum árum síðani, men tað bleiv bara til eina nátt tá. Nú møtast tey óvæntað aftur í einum lítlum privatum flogfari, tá ið Sara skal vera brúðargenta til eitt brúdleyp á eini tropiskari oyggj. Støðan er pínlig, men broytist skjótt til at verða sera dramatisk, tá ið flogskiparin brádliga doyr av einum hjartasteðgi! Sara, sum hevur eitt sindur av royndum at flúgva, má nú royna at lenda flogfarið trygt.

Við: Sara: Allison Williams, Jackson: Alexander Dreymon og Freddy Wyman: Keith David.
Framleiðsluár: 2020
Aldursmark: 11 ár

Travis Block (Liam Neeson) arbeiðir fyri amerikanska statin. Hansara arbeiði er at bjarga loyniligum agentum úr trupulleikum. Í sambandi við arbeiðið avdúkar hann eitt loynligt projekt, har FBI-stjórin Gabriel Robinson (Aidan Quinn) letur drepa tilvildarlig fólk. Saman við einum journalisti fer Travis at kanna málið nærri, men tað førir við sær, at familjan hjá honum verður hótt. Nú má hann bjarga tey, hann elskar, og avdúka sannleikan um FBI-stjóran.

Við: Travis Block: Liam Neeson, Gabriel Robinson: Aidan Quinn og Dusty Crane: Taylor John Smith.
Framleiðsluár: 2022
Aldursmark: 15 ár