Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Sára og Dunna og L fyri lomb.

At missa sín lívsfelaga ger ilt, sama um ein hevur livað saman eitt heilt lív, ella um ein bara nýliga hevur funnið hvønn annan. Framtíðarætlanir fara í vaskið. Lasse Åberg misti brádliga og óvæntað konu sína Inger eftir 60 ár saman. Elskarin hjá Amelia Adamo, Lucio, varð ryktur burtur, júst tá dreymurin um at búgva í Italia skuldi gerast veruleiki. Hvat hava vit mest tørv á, tá sorgin rakar okkum? Og hvussu eigur umheimurin at bera seg at?

Tað er sjáldan bíligt at búgva niðri við sjógvin - og tað eru tvey bergtakandi býli, sum Peter Ingemann og vinirnir fara at hyggja eftir. Teir fara til Holte og Bredballe.

Við eru: Peter Ingemann, Anders Gerner Frost og Claus Dreyer.
Sesong:2.
Partur:4.
Framl. ár:2023
Framl. fyri:TV 2 DANMARK

Flestu elska eina góða pylsu, men tey fæstu duga sjálvi at gera hana. Adam og James Price vísa í hesum serliga pylsupartinum, hvussu ein italiensk salsiccia kann gerast sjálvt av nýbyrjarum, og hvussu ein chorizo kann smakka.

Fyri at steðga hitahækkingini skulu vit goyma CO2. Tað dugir náttúran best, og í Marokko sær Peter eina geniala loysn, har algur súgva CO2 úr lofthavinum, og síðan verður tað grivið niður í oyðimarkarsandin. Og so vitjar Peter heimsins hægsta timburhús, sum goymir stórar mongdir av CO2.

Sesong: 6
Partur: 7
Framl.ár: 2024
Framl. fyri: TV 2 DANMARK

Í 2020 var ikki møguligt at halda stóra tvørkirkjuliga tiltakið TeenStreet orsakað av covid-19 farsóttini.
Ístaðin varð tiltakið hildið á netinum, har ein føroyskur tónleikabólkur framførdi lovsang, ið varð stroymdur út til 40 lond.

Onnur av fimm konsertum við TeenStreet lovsangi. sendingin var fyrstu ferð send í februar 2021.

Seks spírar eru útvaldir at blása nýtt lív í føroyska sangskattin og í Hoydalar.
Í hvørjari sending vitjar ein tónleikastjørna auluna í Hoydølum, har spírarnir tulka og syngja hvør sín
sang hjá stjørnuni.

Ben Porter er ph.d. lesandi á Cardiff University í Wales. Hann hevur í fleiri ár gjørt kanningar av, hvussu sjósdálking ávirkar sjófuglin í Føroyum. Gøtuljós og aðrar mannagjørdar ljóskeldur hava stóra ávirkan á sjófuglin. Ph.d. verkætlanin hjá Ben Porter snýr seg um at kanna árinið av mannagjørdum ljósi og broytingum í
havumhvørvinum á drunnhvíta í Føroyum. Kanningarnar hjá honum skulu millum annað greina, hvat slag av ljósi er serliga viðkvæmt fyri fuglin.
Framløgan hjá Ben Porter verður hildin á enskum.

Clean (Adrien Brody) livir eitt friðaligt lív sum skrellimaður í Utica, New York. Men myrka fortíð hansara spøkir. Hann roynir at betra um grannalagið, men ein harðrendur bólkur og russiskir gangstarar hótta friðin.
So hóttir fortíðin aftur, og tað gongur ikki stillisliga fyri seg.

Leikarar: Clean: Adrien Brody, Michael: Glenn Fleshler og Mikey: Richie Merritt.
Framleiðsluár: 2021.
Aldursmark: 15 ár.