Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Grísapeppa og L fyri lomb.

Sendingin snýr seg um eina ferð, sum sjónvarpið gjørdi saman við vestmenningum eftir gamla skoravegnum í Dalar. 7 fólk vóru í ferðalagnum umframt 3 ross, ið bóru viðførið. Fyrsta sending er um gamla skoravegin. Steingrím Kristoffersen, í Skálum, greiðir frá staðarnøvnum á ferðini. Í januar mánað fór Steingrim um tey 100 árini.

Tikið upp og sett saman: Bjarnheðin í Hoyvík og Zakarias Hammer.

Frank noyðist at sproyta í kálgarðinum fyri at fáa tamarhald á firvaldaormverunum og øðrum illkyknum, hetta er fyrstu ferð í søguni hjá Kastanjugarðinum, at sproytugift er nýtt.
Frank fer undir at byggja ein koreanskan leirovn.

Nina og Signe.
Í fýra sendingum royna átta danir, við kroniskum sjúkum, at eta seg frískan.
Pia Norup, lækni og Umahro Cadogan, føðsluserfrøðingur hjálpa teimum ígjøgnum tær 12 vikurnar, har tey skulu broyta kostin og venja.
Í fyrstu sending hitta vit 29 ára gomlu Ninu. Hon pínist av "akne" døkkormspirrusjúku, sum ávirkar lív hennara nógv. Hon er kedd av síni útsjónd og avlýsir avtalur, um hon hevur "akne" herðindi.
Signe hevur havt kroniskan bruna í tarminum í fýra ár. Hon hevur sterka pínu í tarminum og tá ið er ringast, er hon á vesi 10-20 ferðir um tíman. Hvørt kvøld tekur hon ein stikkpillara fyri pínu.
Er tað møguligt hjá Ninu og Signe at verða frískar við broyttum matvanum og venjing?
Serfrøðingar: Pia Norup, lækni og Umahro Cadogan, føðsluserfrøðingur.
Luttakarar: Nina líður av akne, og Signe hevur kroniskan bruna í tarminum.
Framleitt: Koncern TV- og Filmproduktion ApS.
Framleitt fyri: TV 2 DANMARK.
Framleiðsluár: 2018.

- Tapet, ið siga eina søgu.
Í eldri bygningum kunnu lag oman á lag av tapeti siga frá samtíðar hugsjónum, heimunum tapetini vóru í og um tey menniskju, sum valdu tey. Sara Lundström, tapetmakari og Ingela Broström, mentanarsøgufrøðingur, eru serkønar í at lesa søgu tapetanna.