Skrá Sjón

Gareth Southgate tekur við einum enskum landsliði í kreppu. Darvaður av sínum egna trauma eftir eitt brotsspark, tekur hann saman við sálarfrøðinginum Pippa Grange óvanligar arbeiðshættir í nýtslu fyri at broyta hugburðin í hópinum og sleppa undan tí felags óttanum fyri brotsspørkum.

Upprunaheiti: Dear England
Framleiðsluár: 2026

Í eini stórari kinesiskari familju, har nakrir familjulimir eru fluttir til USA, fær omman Nai Nai staðfest ólekjandi krabbamein ? uttan sjálv at vita tað. Familjan ger av, av virðing fyri matriarkinum, at skipa fyri einum stórum brúdleypi sum loyniligt høvi at savnast við Nai Nai seinastu ferð. Henda lygn er torfør hjá barnabarni hennara, Billi, at halda.

Upprunaheiti: The Farewell
Leikarar: Billi Wang: Awkwafina, Haiyan Wang: Tzi Ma og Lu Jian: Diana Lin
Framleiðsluár: 2019

Journalisturin Doug Rawlins (Jim Caviezel) verður boðin at luttaka í eini sjónvarpssamrøðu í Kairo. Har sigur hann eitthvørt umstrítt (kontroversielt), sum ger, at hann seinni verður tikin av Hizbollah, sum skal straffa hann fyri hesi úttalilsini. Hann endar í einum fongsli í Teheran í Íran, har hann verður dømdur til deyða fyri njósning. Nú er tað upp til konu Dougs, Liz (Claudia Karvan), at royna at fáa hann leysan.

Við eru: Doug Rawlins: Jim Caviezel, Liz Rawlins: Claudia Karvan og Ramzi: Hal Ozsan.
Framl.ár:2019
Aldursmark:15