Skrá Sjón

Í barnarøðini Morsa fer Elisabeth á Bakka at vísa ymiska hárseting. Og vit vísa bretsku barnarøðina Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen.
Klipt: Bjørg Mohr Andersen og Sólfríð Maria í Rók.

Lagt til rættis: Elin á Rógvi.

Smábørn er røð við føroyskari talu til tey allar smæstu. Kom við!

Í Snipp snapp eru teknifilmar, ið eru ætlaðir yngru børnunum, hesa ferð m.a. Bláa og Labbaliðið.

Mumi verður sum gandaður, tá hann finnur ein ektaðan dreka, sum er passaliga stórur at hava til kelidjór. Hann vil bara hava drekan at vera góðan við seg,
men hvussu skal hann temja drekan?

Inni í holuni hjá Vimúsi eru nógvar bøkur, ja eitt heilt músabókasavn. Vimúsi dámar væl at lesa søgur, siga frá søgum og eisini at lurta eftir søgum.
Og tí tímir Vimús væl at fáa vitjan. Ein søguvitjan er altíð góð. Ein søguvitjan er soleiðis, at ein lesur søgu og hin lurtar.

Í luftini er sjónvarpsrøð við tónleiki og práti úr Kringvarpshøllini.

Í sendingini tosa vit við fløguaktuellar tónleikarar og tey framføra nøkur løg av nýggjastu útgávu teirra. Hesa ferð er Høgni gestur.

Sendingin er gjørd í samstarvi við Faroe Music Export.

Lene og Anders eru um at vera liðug við øll uttanduraøkini, men tey mangla at fáa skil á stóru altanuna, hhar øll familjan elskar at vera. Lene ætlar at taka Anders á bóli og gera alt sjálv, meðan hann er í vikuskifti. Men hvussu innrættar man eina altan, so hon verður hugnalig? Hvørjar plantur vaksa alt árið? Og hvussu ber til at sita har í vindi og regni? Lene vil eisini fegin hava okkurt lekkurt ljós í urtagarðin, og hon er so heppin at kunna ferðast til Rom, til Villa d?Este, har urtagarðurin hevur ein heilt serligan ljósbúnað.

Upprunaheiti: Beier bygger have
Framleiðsluår: 2019

1. nov - Alla halganna dagur er í dag og í tí sambandi endursenda vit sendingina "Jólaskipið í Fugloyarfirði", sum er fra 1993.
Í des. 1941 fórst Jólaskipið í Fugloyarfirði.
Farmaskipið Southerness var á veg úr Onglandi til Føroya við jólafarmi, tá tað brádliga sakk í Fugloyarfirði.
Zacharias Hammer hittir fugloyingar og svínoyingar sum sóu tilburðin.

Teir mundu mist mótið - kavararnir, sum leitaðu eftir jólaskipinum. Men við eitt sást reyða boyðan kasta seg upp av havsins botni, sum tekin um, at vrakið var funnið og fyrstu lutirnar vóru á veg upp. Sjónvarpið fylgdi Expedition 2000 í mai og juli í fjør. Sendingin er ein reportasja fra hesum døgunum. Hon vísir spenningin hjá Hera Andreassen, kavarunum og hjálparfólkunum. Sauternes ella jólaskipið hevði ligið nærum órørt 60 ár á havsins botni í Fugoyarfirði. Heri Andreassen fekk í fjør einkarætt at kava niður á
vrakið, sum liggur á meiri enn 90 metra dýpi.

Lagt til rættis: Malan Johansen.

Á Brandbjerg Háskúla við Jelling kjakast tey um danskleika. Nær er man dani? Pia Kjærsgaard, fyrrverandi floksformaður og Afrah Al Jabouri, eru langt frá samd. Andreas Bo, undirhaldari, hevur tikið guitarin við og sigur sína hugsan um danskleika við leirbálið.
Bæði Morten Dahlin, Venstre flokkurin og Samira Nawa, Radikale Venstre, syngja við.

Upprunaheiti: Højskolen.
Framleiðsluár: 2026.

Birita er ein føroyskur heimildarfilmur frá 2026, leikstjórnaður av Búa Egason Dam.
Filmurin fylgir Biritu Mohr, ið hevur Alzheimers og hennara familju.
Ein sjónleikarafamilja roynir at seta upp Shakespeareleikin King Lear (Lear kong) við Biritu í einum av høvuðsleiklutunum, samstundis sum filmurin vísir kærliekssøguna millum mammuna og pápan, og tá avgerðin skal takast um at flyta Biritu í røkt.
Filmurin er tilnevndur Filmsvirðisløn Norðurlandaráðsins 2026 sum føroyski kandidaturin.

Í ár fyllir Reyði Krossur Føroya 100 ár, og tað verður hátíðarhildið við stórari landsinnsavning. Sent verður beinleiðis úr Norðurlandahúsinum, og á skránni verður tónleikur, samrøður og søgur úr hjálpararbeiðinum, samstundis sum savnað verður inn til hjálpararbeiðið hjá Reyða Krossi í Føroyum og kring heimin. Vertir eru Elin á Rógvi og Uni Holm Johannesen.