Skrá Sjón

Í barnasendingini "Hvat gera tit?" fara vit at undrast saman við Maluni og Nikláa.
Við morgunmatarborðið gongur prátið væl, og nógvir spurningar eru, sum Malan og Niklái kjakast um. Tey eru ikki altíð samd, og ofta hava tey hvør sína hugsan um, hvussu ymiskt hongur saman.
Tá er gott at kunna leita sær ráð hjá øðrum. Tí fara Malan og Niklái at vitja ymisk arbeiðspláss, har tey hitta spennandi fólk, seta spurningar og sleppa at royna seg í ymsum uppgávum.

Lagt til rættis: Kristina Sundstein og Páll Danielsen
Filmað: Rógvi Rasmussen
Sett saman: Jakob Jørgensen

Fyrsti partur: Føroya Politi
Hvussu finnur løgreglan út av, hvat er hent? Malan og Niklái vitja politistøðina, har tey kanna, hvussu løgreglan arbeiðir, leitar eftir slóðum og loysir ymsar uppgávur.

Inni í holuni hjá Vimúsi eru nógvar bøkur, ja eitt heilt músabókasavn. Vimúsi dámar væl at lesa søgur, siga frá søgum og eisini at lurta eftir søgum.
Og tí tímir Vimús væl at fáa vitjan. Ein søguvitjan er altíð góð. Ein søguvitjan er soleiðis, at ein lesur søgu og hin lurtar.

Smábørn er røð við føroyskari talu til tey allar smæstu. Kom við!

Í Snipp snapp eru teknifilmar, ið eru ætlaðir yngru børnunum, hesa ferð m.a. Bláa og Labbaliðið.

Tá vatnflóð fyllir dalin, leitar Mumifamiljan sær eftir einum øðrum stað at búgva - tey finna eitt flótandi leikhús! Men man onkur annar longu búgva her frammanundan?

Magnus Heunicke, kenslumálaráðharri kemur til Vallekilde Háskúla í Odsherred, saman við Johanne Schmidt-Nielsen, Red Barnet, Lars Løkke Rasmussen, Moderaterne og Jim Lyngvild. Rosa Lund, Enhedslisten og Mette Abildgaard, Det Konservative, Mette Abildgaard, Konservativi Fólkaflokkurin, fyri at skifta orð um kreppurakta fólkaskúlan.

Upprunaheiti: Højskolen.
Framleiðsluár: 2026.

Beinir Johannesen hevur eitt greitt mál undan løgtingsvalinum í 2026. Hann vil vera Føroya løgmaður og við tí skriva søgu sum tann yngsti nakrantíð í embætinum, bert 29 ára gamal. Málið er at skipa eina breiða samgongu og gera upp við blokkpolitikkin. Tað krevur semjur og neyðsemjur. Meðan fjølmiðlarnir gita um, hvat fer fram aftanfyri afturlatnu dyrnar, halda politikararnir kortunum tætt at kroppinum.

Lagt til rættis: Elin Mirjamsdóttir og Jónfinn Stenberg.

Ein lítil, men lívlig bygd. Soleiðis upplivdi ferðalið okkara triðstørstu bygdina í Sandoynni, Skálavík, tá vitjað varð har suðuri um dagarnar. Fleiri fólk eru í seinastuni flutt til bygdina - og onnur eru á veg. Td. er útivið helvtin av 13 nýggjum sethúsastykkjum longu umbiðin av fólki aðrastaðnis frá ? og tað er fyrst og fremst ætlaða Sandoyartunnilinum fyri at takka. Ein onnur forkunnug byggiætlan er í umbúnað, sum uttan iva fer at seta Skálavík á Føroyakortið sum eina av fremstu bygdunum í landinum, tá um trivna og frítíð ræður. Hon snýr seg um eina høll við svimjihyli og hondbóltsvølli, sum eisini skal kunna brúkast til samkomur, møti, konsertir o.a. Talan er um eina gávu til heimbygdina frá fyrrverandi reiðaranum og skiparanum Eiler Jacobsen. Ungmannafelagshúsið Keldan er sum er karmur um flestu tiltøkini í bygdini, og í sendingini eru vit bæði við til mótaframsýning og dansiundirvísing. Vit vitja í skúlanum og í eldrasambýlinum - og eru sjálvandi eisini til handils. Í royndum okkara at lýsa hesa grønu bygdina við teimum mongu spjøddu býlingunum, hitta vit bæði fróðar menn og kvinnur. Eisini leita vit upp fjarskotnu og gomlu bóndahúsini í Norðrasta Haga, har bóndin og bóndakonan í Dalsgarði vanliga búleikast hesa árstíðina í sambandi við heystskurðin.
Leivur Hansen, Zacharias Hammer og Bjørg M. Andersen leggja til rættis.

Jens Christian Svabo Justinussen hevur ph.d. í samfelagsfrøði og er lektari í samfelagsvísindum á Søgu- og samfelagsdeildini á Fróðskaparsetrinum. Hann granskar serliga í føroyskum politikki.

Framløgan hjá Jens Christiani Svabo Justinussen snýr seg um stóru kreppuna í 1990unum og fólkaræðið í Føroyum.

Will, sum er gamal drongur og 38 ára gamal livir sítt frælsa lív í London. Pápi hansara skrivaði ein jólasang fyri mongum árum síðan, og Will hevur livað eitt gott lív av pengunum fyri sangin. Av tí at hann heldur, at tað er eitt gott stað at fáa konufólk, fer hann til fundir fyri støk foreldur. Ætlanin gongur upp á stás, tað eydnast honum fleiri ferðir at fáa nakrar av støku mammunum upp í songina, men eina ferðina hittir hann í sambandi við eina av hesum kvinnunum 12 ára gamla Marcus, sum vendir øllum við. Will og drongurin verða vinmenn, og meðan Will gevur Marcusi okkurt tiltrongt pápakent, skumpar Marcus undir Will, fyri at fáa hann at koma víðari í lívinum.
Leikarar: Hugh Grant, Nicholas Hoult, Toni Collette, Rachel Weisz, Sharon Small, Nicholas Hutchinson, Natalia Tena og Isabel Brook.
Leikrit: Peter Hedges, Chris Weitz og Paul Weitz eftir skaldsøgu hjá Nick Hornby.
Leikstjórn: Chris Weitz og Paul Weitz.