Skrá Sjón

Í barnasendingini "Hvat gera tit?" fara vit at undrast saman við Maluni og Nikláa.
Við morgunmatarborðið gongur prátið væl, og nógvir spurningar eru, sum Malan og Niklái kjakast um. Tey eru ikki altíð samd, og ofta hava tey hvør sína hugsan um, hvussu ymiskt hongur saman.
Tá er gott at kunna leita sær ráð hjá øðrum. Tí fara Malan og Niklái at vitja ymisk arbeiðspláss, har tey hitta spennandi fólk, seta spurningar og sleppa at royna seg í ymsum uppgávum.

Lagt til rættis: Kristina Sundstein og Páll Danielsen
Filmað: Rógvi Rasmussen
Sett saman: Jakob Jørgensen

3. partur: Bakkafrost.
Hvussu kemur laksurin úr sjónum og í ein pakka? Malan og Niklái fylgja laksinum á ferðini frá smoltstøðini til framleiðsluna og fáa at síggja, hvussu arbeitt verður á Bakkafrosti.

Smábørn er røð við føroyskari talu til tey allar smæstu. Kom við!

Í Snipp snapp eru teknifilmar, ið eru ætlaðir yngru børnunum, hesa ferð m.a. Bláa og Labbaliðið.

Snorkadiddan eggjar Mumi til at hava hana við eina ferð út í eina loyndarfulla oyggj, har Mumipápi einaferð rendi seg í teir margháttligu/løgnu,
ógvisligu hattifnattarnar.

Inni í holuni hjá Vimúsi eru nógvar bøkur, ja eitt heilt músabókasavn. Vimúsi dámar væl at lesa søgur, siga frá søgum og eisini at lurta eftir søgum.
Og tí tímir Vimús væl at fáa vitjan. Ein søguvitjan er altíð góð. Ein søguvitjan er soleiðis, at ein lesur søgu og hin lurtar.

Frank Kjosås og Thea Vaulen lesa úr hjúnalags dagbókini hjá Claru og Robert Schumann, í samspili við Kork og Marianne B. Kielland.
Dirigentur: Holly Choe.

Monsen og Teddy varnast eina túsund ára gamla søgu, sum framvegis livir í fjøllunum. tusenårig historie som fortsatt lever i fjellene.

Árliga jóla- og stuðulskonsertin hjá Barnabata, Í menniskjum góður tokki. Við at stuðla Í menniskjum góður tokki kunnu vit hjálpa føroyskum barnafamiljum, ið liva í fátækraváða.

Evnið til sendingina er ?Felagsskapur?, har vit royna at fáa tað menniskjaliga, konkreta, og neyðuga perspektivið við.

Silja Strøm, listakvinna, fyrireikar seg til eina framsýning í Norðurlandahúsinum, samstundis sum hon stríðist við minkandi arbeiðsorku eftir at hava mist pápa sín.
Vit fylgja henni í einum meldurkendum tíðarskeiði í lívinum, eftir at hon og maðurin eru flutt til Glasgow eftir 10 ár í London. Silja roynir at finna arbeiðsstevið aftur við at granska sína egnu list - alt meðan sorgin og saknurin nívur.

Lív Mikkelsen og Jakob Jørgensen leggja til rættis.

Katrin Eivindardóttir Christiansen er fulltrúi í Heilsustýrinum og arbeiðir serliga við koppseting.

Í framløguni leggur Katrin Eivindardóttir Christiansen fram úrslit frá kanning av hugburði hjá foreldrum til barnakoppsetingar.

Í 2006 vóru Leivur og Zacharias á bygd, hesaferð í Sandavági, har teir hittu ein av hóp av fróðarfólkum ? ungum sum gomlum, kvinnum og monnum ? sum hava mangt og hvat at siga frá. Sandavágur veksur við rúkandi ferð, og bara síðani Vágatunnilin varð tikin í brúk fyri góðum fýra árum síðani, er fólkatalið í bygdini vaksið við 74 ella sløkum 10%! Fleiri av tilflytarunum høvdu lítið og onki tilknýti til bygdina frammanundan, men fasta sambandið ? og ikki minst bíligu grundstykkini ? draga ungu familjurnar vestur. Sendingin avdúkar fleiri spennandi ætlanir, sum tú ikki hevur hoyrt um frammanundan, og sum púra vist eisini fara at seta Sandavág á breddan í framtíðini.

Náttina ímillum 26. og 27. mars 1930 fór skonnartin "Ernestina" úr Klaksvík á land undir Selvogsbjørgunum í Íslandi. Tá ið lýsti fyri degi vóru 8 av manningini
farnir í havið. Teir máttu lúta í tí vónleysa bardaganum ímóti kulda, kavaroki og brimbrotum. Bestimaðurin Ziska Jacobsen svam í land og fekk sett línu fasta, sum bjargaði
hinum 17 av manningini. Kaj Thomassen úr Svínoy, sum var við henda túrin, sigur frá. Pápi Kaj var eisini við, men hann hvarv í briminum hesa ódnarnátt.

Upptøkur: Zacharias Hammer, Ragnar C. Joensen.

Sett saman og lagt til rættis: Zacharias Hammer.