Skrá ljóð

Vágskálin er útvarpsssending við ummælum, sum verður send í vetur. Tveir ummælarar verða við hvørja ferð, og í flestu førum verða bøkur vigaðar á vágskálini. Brot verða at hoyra burtur úr tí, sum ummælt verður. Aftrat bókum kunnu sjónleikir, framsýningar, serligar framførslur og rák í tíðini verða viðgjørd.

Søgan fylgir fýra persónum í tíðini áðrenn fólkaatkvøðuna um hvørt empati-kanningar skulu gerast lógarbundnar ella ikki. Turið Sigurðardóttir hevur týtt og Sprotin hevur givið út í ár.

Fyrsti gesturin í Meg minnist í heyst verður Petur Simonsen úr Fuglafirði. Eitt av hansara áhuga-málum er søgan um ítróttin í heimbygdini. Menn spældu fótbólt á sandinum um aldarskiftið 1900, men stovnaðu ikki felag fyrrenn í 1938, tá eiðismenn, leirvíkingar, fuglfirðingar og gøtumenn spældu eina vetrarkapping. Í 1946 fekk felagið navnið Ítróttafelag Fuglafjarðar. Petur er sonur Sigurð úr Sandavági og Marthu úr Leirvík. Tey fluttu í 1936 úr Vestmanna til Fuglafjarðar. Um sama mundið búnaðist ætlanin um at byggja skipið ”Vón” á Tórshavnar Skipasmiðju. Skipið var liðugt í 1940 og var í fyrstani leigað íslendingum.

Stórar broytingar hava verið í føroyskum landbúnað seinastu árini. Serliga er tað millum teirra, sum framleiða mjólk, at broytingarnar eru hendar, tí um aldarskiftið vóru millum 60 og 70 garðar, í dag eru bara 14 ella 15 framleiðslueindir eftir. Hvønn týdning hevur henda broytingin havt og hvørjar møguleikar gevur hon. Ikki bara teimum gørðunum, sum eru eftir, tí teir hava lættari við at fáa gerandisdagin at hanga saman, men eisini í sambandi við aðra framleiðslu.

Vit hoyra um tað fystu tíðina í Nashville, har Waylon Jennings og Jessi Colter byrja at koma saman.

Tónlistamaðurin Lasse Thorning Jæger og yrkjarin Vónbjørt Vang hittast í Samværa og tosa um tað at sampla. Vónbjørt samplar, tá hon ger kolasjuyrkingar, og Lasse nýtir eisini sampling sum kompositionsteknikk, tá hann ger síni ljóðverk. Beinir Bergsson og Dania O. Tausen tosa við listafólkini um tey verkini, sum tey arbeiða við í løtuni, og um tað, sum arbeiðshættirnir hava til felags.