Skrá ljóð

Ivaleyst elsti føroyski rokksangurin fyllir í hesum døgum 50 ár. Tað var á vári í 1976, at singleplátan hjá Kræklingum við sanginum "Svarti ravnur" kom út. 8. mai 1976 sæst lýsingin um forvitnisligu plátuútgávuna í Dimmalættting. Annar sangurin á plátuni nevndist "Primadonna", men hann hugtók ikki lurtaran sum hin. Svarti ravnur er brúsandi rokkur, sum eingin hevði hoyrt á føroyskum fyrr. Sangurin er í veruleikanum skrivaður sum vísusangur, men endaði sum harður rokkur. Martin Joensen eigur orð og lag, og Kræklingar spæla og syngja. Sangurin er vorðin rættur klassikari í føroyskum rútmiskum tónleiki.  Onnur hava eisini innspælt sangin, men tað er okkurt heilt serstakt og egið við upprunaútgávuni. Flogið hevur verið veingjað hesi árini, tí enn ljóðar hann eins kraftfullur og frískligur sum í 1976.  Í sendingini greiða sangskrivari, limir í Kræklingum og onnur frá Svarta ravni. 

Janus Egholm Mohr hevur lagt til rættis.