Guðrun&Guðrun við øðrvísi myndakampagnu

Sum oftast nýta klædnafyritøkur yrkis-modellir, sum verða amyndaðar í einum studio ella í einum serútvaldum umhvørvi, tá tær taka lýsingamyndir. Føroysku Guðrun&Guðrun hava í heyst/vetrar-kollektiónini fyri 2013 valt ein heldur øðrvísi hátt at marknaðarføra pløgg síni. Allar myndirnar fyri heyst/vetur 2013 eru nevniliga tiknar í Marrakesh í Marokko.

Ístaðin fyri at nýta klønu, langlimaðu modellirnar, vit eru von at síggja, eru lokalir íbúgvar í Marrakesh latnir í klæðir frá Guðrun&Guðrun og avmyndaðir í sínum egna umhvørvi. Úrslitið eru nakrar vakrar og sera óvanligar mótamyndir, har bæði gamlir menn og børn posera í føroyskum sniði, meðan tey ríða á asnum, ansa seyði og so framvegis. Tað er danska myndakvinnan Jette Jørs, sum hevur tikið myndirnar, sum m.a. eru at síggja í septembur útgávuni av danska mótablaðnum COVER. 

- Guðrun&Guðrun trúgva uppá fyrimunirnar við natúrligum vakurleika, náttúru og originaliteti. Tí velja vit at gera eina kampagnu uttan at nýta modellir ella studio, men ordilig fólk í teirra natúrliga samskifti við náttúruna og teirra umhvørvi - fyri at leggja dent á, at nakni í øllum formum fortelur ta veruligu søguna um okkara klæðir, skriva Guðrun&Guðrun á Facebook-síðu sínari um myndirnar. 

Kampagnan ber heitið AW13 Morocco Unannounced, og til ber at síggja myndirnar her.